要捉住大部分女人,最有效既方法同男人一樣「捉住佢個胃」, 不過男人是正餐菜色,而女人就是甜品 男朋友深明這個道理,所以間中都會帶我去食美味甜品 我好膚淺,見到餐牌就勁靚既甜品就揀佢 佢連名都好好聽架「夢幻熱氣球」 女生最愛的粉紅色棉花糖,做出熱氣球的橢圓形, 加上3支士多啤梨味既百力支撐著大大圓圓棉花糖 最底層是牛奶味軟雪糕加上士多啤梨醬,就完成熱氣球模樣, 整個就是士多啤梨味的甜品,太可愛啦 味道仲好好添 而且店員更教授1雪糕2種食法: 棉花糖食一半, 另一半撈入雪糕內,會有另類口感及味道架 *建議多少少士多啤梨醬就更好啦 男朋友就揀了蜂巢軟雪糕,我當然都唔會放過,食返幾啖啦 呢間既蜂巢雪糕有點不同: 會附上1支蜂蜜 蜂蜜唔會太甜,蜂巢當然就會甜D啦,所以配上牛奶味軟雪糕就剛剛好啦 食一點再加一點蜂蜜,咁樣就唔會食到底就會晒蜂蜜啦 我地仲點左2支「冷壓果汁」:紅色的是紅菜頭味,綠色的是羽衣金蘭味。 本身覺得幾貴,但經店員講解「何謂冷壓」之後,就覺得物超所值 因為「冷壓果汁」有別於平時出面買的果汁, 出面多數是用榨汁機加水/加冰打成汁,這裡是用機慢慢咁壓成汁,過程中完全不加水 可想而知用料要幾多先壓到1支,真係每啖都係原汁原味 味道方面,2款都帶有蔬菜味,我覺得紅菜頭好味D, 一入口略帶微酸,再入多D就會有甜味,這就是舌頭的魔法。 而男朋友就覺得羽衣金蘭好味D,因為羽衣金蘭比較紅菜頭以下會甜一點。 仲有3款味道,我一定要試埋佢 這店設計,店內感覺都好舒服,更設計到好多影相位, 更有大大個「烏雲雪糕公仔」俾大家影相,店員服務都幾好,有禮貌, 重點係我仲有好多甜品我都未食,我一定會再去食, 因為L'attitude捉住左我個胃,哈哈 OPENRICE LINK: https://www.openrice.com/zh/hongkong/review/%E5%BF%85%E9%A3%B2-%E5%A5%BD%E6%9C%89%E5%BF%83%E6%80%9D%E7%9A%84%E5%86%B7%E5%A3%93%E6%9E%9C%E6%B1%81-e2661733 文章屬個人分享及感受,大家皮膚不同性質, 適合與否都要自己親身試過才知道的。 希望大家喜歡今次的分享~給我一個支持, 請Like my facebook page吧~ 金魚自由遊 Elyse Fish https://www.facebook.com/elyse214