我之前已去過銅鑼灣店食過幾次,今次係第一次去尖沙咀店。 原來有19樓咁高,去到是下午2點,係食Lunch既時間,都幾多客人架。 *下圖是我食飽後拍攝的* 店員安排男朋友與我坐在窗邊 望出窗外突然覺得香港真的很美! 睇睇set Lunch menu 當然要揀呢度最出名既「橡果級黑毛豬眼蓋」 我地仲加左$96加2份海鮮拼盤添! 如果唔係晏d要工作,我仲想叫多杯紅酒添! 海鮮拼盤先上 海鮮盤,真係物超所值,生蠔唔係死咸,而係海水咸味,質地肥美 蝦既肉質好彈牙,又爽口 蟶子好爽脆,我好喜歡 鮑魚同帶子都好鮮甜 不得不提,食完海鮮拼盤,店員好快手就收碟,換碟, 而且食完海鮮盤會有水係台面,店員都會先抹台 真係值得一讚!(心思1) 餐包,外脆內軟,附上既牛油仲要係有微微溶化,唔係硬磞磞,突顯餐廳對客人既細心(心思2) 沙律我都係第一次食咖哩味,好特別,仲幾好味添,菠蘿既微酸味與咖哩的辣味原來都幾match 是日餐湯係雜菌湯,勁好味 湯真係好有菇味,睇得出好多菇,亦食得出好多菇肉 而且平時既菇湯通常都係忌廉味重過菇味,呢間餐廳就剛剛相反! 而且盛載湯的器皿係暖熱架,保持湯的溫度(心思3) 黑毛豬肉質鬆化但有咬口, 無騷味,但有種與別不同的味道,可能呢個就係橡果既味道 一上台見到特式配菜:紫薯,脆肉瓜,茄子,黃椒。 即時就同男朋友講「紫薯呀!」 因為我真係好喜歡紫薯既味道,我亦係第一次見有紫薯做配菜 而且脆肉瓜,茄子,黃椒都有用牛油煎香過,味道就更正 碟亦係暖熱架(心思4) 最後甜品係芝士蛋糕,質地是軟身一點的,芝士味濃,而且甜品都有畫花,更顯(心思5) 題外話: 1。冷盤用凍碟,熱盤用溫碟,好有心思的餐廳 2。店員不時幫忙加水、換碟,服務週到 OPENRICE LINK: https://www.openrice.com/zh/hongkong/review/%E7%B4%B0%E7%B7%BB%E4%B8%AD%E9%80%8F%E9%9C%B2%E5%BF%83%E6%80%9D-e2645540 文章屬個人分享及感受,大家皮膚不同性質, 適合與否都要自己親身試過才知道的。 希望大家喜歡今次的分享~給我一個支持, 請Like my facebook page吧~ 金魚自由遊 Elyse Fish https://www.facebook.com/elyse214