以前喺又一城食完飯,想食下啲西式甜品一定要轉場,唔係去番旺角尖咀,就係去深水埗。不過而家又一城終於有得食甜品喇! 呢間甜品店Sweetology 的裝修以白色為主,風格優雅華麗,半開放式的設計很有外國的風味,所以這個華麗風應該會吸引大部份女士。 點擊圖片放大 當日d*就點了店內推介的抹茶紅豆杏仁窩夫(d*是絕對的窩夫控!)。當然係相機食先啦,店員很細心的給我一樽小花做點綴! 抹茶紅豆杏仁窩夫賣相唔錯。雖然話就話窩夫內你有綠茶原素嘅,但只係見到有綠色,味道就冇咩綠茶味;反而紅豆令我有驚喜,軟林林,甜道適中,完全唔洗再加蜜糖食。另外窩夫質地都脆口嘅,唔會係脆到牙肉痛個隻。 係又一城開得,以為一定比出面貴啦,睇番價錢,窩夫大概$70-80 ,又接受到喎! loves, d*