#27/10/2014 #Gapyeong-gun, Gyeonggi-do 第一日正式開始! 一出門口嘩咗出黎, 琴晚太黑睇唔到, 終於見識到乜叫漫山通紅, 真係成個山變咗紅色呀不得了! 今日煮早餐個miss起唔到身d學生去摷醒佢。。。 同d學生一齊行鄉間小路返學校, 好得意, 好似睇電視d山區學生咁。學校同周圍d楓葉好鬼靚, 真係人都精神d 點擊圖片放大 嗰2個老師除咗教書仲要煮早晚餐同洗碗lol, 仲要留宿同每日一齊做做體驗學習(通常有d chur), 要幾多人工先肯濟。。 今朝早餐有學校d雞生既新鮮蛋, 打出黎既yolk and albumen height係從未見過咁高。 香港人連食隻蛋都係千年蛋。 學校仲有3隻兔仔1隻狗, 全部都好得意! 點擊圖片放大 +9 呢間學校free到幾乎冇上堂時間表可言。 學生由朝早9點到夜晚8半除咗小量自由都係有野要做, 講到好似好忙, 其實每日都係食野, 上堂(幾乎都係1on1, 時間好短), 睇課外書/自習, 一齊做唔同工作既體驗學習同一個禮拜3次劍道(加體能), 同非常多既free time 學校周圍真係好靚好舒服, 冇野做就可以周圍行下。 點擊圖片放大 +5 點擊圖片放大 +3 今日既體驗學習係幫學校某條斜路仔鋪馬賽克。 做老師要做埋泥水lol。 首先要打爆d彩色磚, 跟著要開泥批完再砌磚, 要蹲成個下晝, 不過ok好玩既, 見到作品都幾有成功感。 點擊圖片放大 +7 至於食飯嗰方面, 任何時候都唔可以少得kimchi同飯。 個miss同我講冇飯冇力哈哈哈, 佢話韓國人真係會帶埋泡菜去旅行, 如果唔係會周身唔聚財。 我諗香港人可能係其中一個最乜菜色都食得落口, 而且感到滿足既民族。 食完飯一齊行返宿舍, 一路岳高頭睇星。 夜晚free time著超多衫響門口諗住試下用部爛鬼野試下影星同睇下星, 雖然好近就係街燈, 但效果都唔錯喎, 訓響地下睇咗, 超級多既星好似一個好大既罩罩住你咁, 好amazing! 城市人真係錯過咗好多野。 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/