[一個月歐洲闖蕩Day27] 威尼斯神秘面具::Venice, Italy #Venice, Italy #30/06/2013 一早就到喇, 可以話冇乜訓過, 但落車真係靚到醒哂, 天氣仲要非常靚。 好彩bk咗好近火車站唔使搭水上巴士唔使過橋嘅地方, 如果唔係都幾難行。 Water bus #1: Ferrovia -> S. Marco 擺低野就搭水上巴士出去, 沿途風景完全唔係澳門威尼斯人嗰件事, 好靚。 水上巴士係非常多人同迫, 好似年三十晚行花市咁, 其實好多人好喧鬧, 但望住個景唔知點解心靈好有寧靜既感覺。 遊哂成條大運河, 差唔多到既時候見到對面既San Giorgio Maggiore Church, 有個好大既雕像響水邊, 遠睇好似水中心有個幻景中既小城咁。 點擊圖片放大 +6 落船經過Doge's Palace就係Ponte dei Sospiri嘆息橋, 其實只係一條密封既小橋, 不過有好深既meaning 行返Piazza San Marco聖馬可廣場, 可以睇到Basillica San Marco聖馬可大教堂, Torre Dell'Orologio時鐘塔等等著名既建築。廣場好多白鴿, 係好經典既歐洲廣場。 點擊圖片放大 +3 跟著就周圍蕩下, 其實響橫街窄巷周圍撞, 唔知會見到咩, 真係好得意。行到肚餓就入咗間都幾掋食既餐廳試下真正既墨魚汁意粉, 好好食, 仲平過中環。 幾個禮拜都冇乜食過餐廳, 坐響威尼斯街頭食真係特別享受。 點擊圖片放大 +6 食完漫步去Ponte di Rialto里亞托橋, 企響橋上面睇大運河話好似威尼斯版清明上河圖。 行埋去Poscheria魚市場, 不過唔係開市時間, 睇下就出河邊坐, 雖然熱但d風好舒服, 仲有好靚既水鳥。 點擊圖片放大 +10 繼續周圍行, 去埋Chiesa di San Giorgio Maggiore聖喬治馬喬雷教堂, 食好好味既gelato, 朋友大力推介既開心果味雪糕真係幾好味, 其他試過既味都唔錯, 去意大利就係不斷食gelato變豬。 點擊圖片放大 +3 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/