#Prague, Czech #CeskyKrumlov, Czech #26/06/2013 一齊去冰島既其中一個朋友同佢另一個朋友咁啱又響布拉格, 咁我就買餸上佢地apartment煮早餐俾大家食。 買得超開心, 可以買d一個人買唔到既野食。 有炒蛋, mozzarella, 捷克大香腸, 黑底蘑菇, 酸奶同桃, 超豐盛。 食完一齊行去Charles Bridge就byebye喇, 今日天氣好咗又冇咁攰, 心情好返哂。 捷克真係好靚。 遇到美國U19籃球隊, 超級高! 一隊巨人!! 我都唔算矮但行埋去好似小朋友! 呢班可能係未來NBA球星呢架! 點擊圖片放大 +4 去古城廣場睇下傳說中既布拉格廣場。 我相信有唔少香港人都係因為呢首歌而認識呢個地方。 個廣場真係好靚, keep得好好, 就係因為捷克人不理世事既態度, 令呢度可以遠離戰火 點擊圖片放大 +4 行去猶太區, 入咗新舊猶太堂(The Old-New Synagogue)睇, 整佢個制冇野睇既仲要收幾貴, 真係響出面睇下就夠。 點擊圖片放大 回程去埋火藥塔同市民會館。 市民會館既裝飾好精緻, 有好多馬賽克。 點擊圖片放大 +8 Train: Praha hl n -> Cesky Krumlov (change: 1) Dur: 3:40 (2:40+0:50) 1515/1855 £155.6 5-days East Europe Pass (paper ticket in HK) 成功響CB轉車去CK, 途中經過好多鄉郊小站, 有d簡陋到得個亭仔, 而且停一停冇人上車冇人自己開門跳落車就即走, 真係手腳慢少少都會飛咗站。 CK個站都係好簡單, 就係直接行落地行過d火車軌出站。 點擊圖片放大 +3 一落車見到巴士就衝上去, 到咗個站更加荒山野嶺, 周圍完全冇路牌, 冇建築物可以認, 淨係知道對面河就係要去既地方。 嘗試跟著hostel個指示行, 行極都揾唔到過河既橋, 推住個喼一路行一路行, 行咗好耐, 越行越唔對路。問咗幾次人都唔多問到, 又凍又就天黑, 無助到想喊。 搞咗好耐終於響另一邊入到城, d碎石地勁難拖喼。 搵路去hostel既途中遇到兩個香港人, 簡直係他鄉遇故知。 點擊圖片放大 搵搵下終於搵到hostel, 搞咗9個字, 但感覺好似幾粒鐘咁。 搵耐咗過咗reception time, 㩒鐘冇人應, 得張紙叫你打電話。。。去旅行既人打漫遊長途?! 好彩隔離就有個電話亭, 呢個時候又見返嗰幾個香港人, 佢地超好, 幫手研究幫手看行李, 其實大部份香港人都樂於響旅行既時候互相幫助, 但唔知點解響香港既時候大家好少發揮。 最後打咗個勁貴既電話再等多陣就搞掂喇, 身心俱疲呀! 搬咗行李上房就衝出去買野食, 勁驚鄉下地方d舖頭冇開到咁晏。 買咗皮爾森啤酒試。 捷克d蛋真係好好味, 連油都冇落咁炒都好似落重牛油咁。 Hostel係古城河邊既小屋, 好original, 我間房喺屋頂, 所以樓底係斜既, 彩我自己一個住可以霸哂兩邊位打橫訓, 咪個頭幾細都唔得掂。 **多謝大家嘅支持!Follow我嘅blog, Like埋我嘅fb page呀! 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**