好多人去台灣去到好似返鄉下, 講親台灣玩滑翔傘(台灣叫飛行傘)就會諗起台東或者覺得一定荒山野嶺九里咁遠, 原來台北附近都有㗎! 而且交通方便又幾掋玩! 台北西站(搭去機場個巴士站呀)A棟, 搭1815巴士(往金山/野柳), 大約九個字至一個鐘就搭到"萬里橋頭"站喇, 巴士係有報站既, 當然安全d可以上車同司機叔叔講定再坐佢附近喇! 落車就響OK門口等, 我咁啱一落車就見到佢地㗎7人車喇, 即刻衝上車! 去到如果唔見既話, 可以打電話話叫人黎接你, 或者乖乖地響度等, 因為其實佢d車不斷行來行去, 好快就有 上到山風景真係好靚翠綠山坡加無敵大海景, 有人話係全台灣風景最靚既飛行傘場。上到去俾完錢, 擺低個袋就開始着野, d頭盔係頗cute既, 男仔記住搶個hello kitty頭盔, 最威一定係你。 短褲係可以既, 佢會俾護膝你帶, 但太短既熱褲就有d擔心你脾'喇', 背心都係一樣道理, 因為你係要帶全身安全帶既。冬天記住着夠衫, 包涼爽 到你既時候行上跑道教練就會企你後面扣住你, 之後你唯一一樣要做既就係跑, 不斷跑喪跑一路跑繼續跑唔好淆底, 跑跑下就會雙腳離地成功起飛! 飛既感覺真係好爽, 好平穩完全冇驚既感覺, 下面既小鎮就好似lego咁, 仲有好靚一望無際既海。飛完就響個沙灘降落, 教練揸得好好, 好自然就踩到地, 仲冇pk添哈哈 點擊圖片放大 +2 呢個時候back up車已經等緊, 如果你本身講定落定即走佢會車埋你個袋俾你, 車你去車站, 或者可以上返山睇風景影相, 不另收費 附近可以去埋野柳,金山, 甚至沿北海岸去白沙灣再出淡水, 黎個北海岸一日遊 嗱冇收錢㗎 野馬飛行俱樂部 雙人體驗飛行(教練+你),每人每航次NTD1600 連借Go Pro+神棍+拎走micro-SD http://www.0932926289.com/ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/