終於暫時settle好晒身邊的事... 尋夢的動力係要向好方面諗~~~~所以希望好事會快D出現!! 好~~同大家分享一下大阪散心之旅~~ 通常去大阪都會諗起蟹道樂個d~~~ 今次經民宿屋主介紹去咗一間比較地道的燒肉~~~万両 南森町店!! 首先要解釋一下~~尋夢雲的"地道"只係單純考慮有冇好多遊客去....hahaha~~ 其實我地都有上網睇過, 口碑真係好好!!! 於是我地決定要去!! 見到有bloggers話要提早book位....如果唔係可能要等到10點先有得食.... 不過要提提大家, 佢地係冇得上網book位..... 所以大家可以試下: - 到埗後, 直接去餐廳訂第二日的位 - 用visa白金服務 本身我地係打算用後者, 但後來同日本同事傾開~~佢好好人咁幫我地book!! lucky~~~ 但大家記得book咗位之後唔去..... 記得cancel booking!!! 万両 南森町店其實好易搵~~(小火龍負責搵路, 所以去到邊我都覺得易) 係南森町站出咗之後, 行5分鐘左右就到~~ 冇錯就係go go map同小火龍帶路下~~好快就到!!! 我地book咗5pm, 去到的時候佢地都未開~~ 門口已經有幾個日本女仔等緊 夠鐘啦!!!! Waiter 就安排我地入座~~~ 由於燒肉會有味同埋方便大家擺嘢, 櫈設計成可以打開放嘢~~ 不過值得留意.... 係meun入面只係得日文... 同埋waiter都係識少少英文... 於是我地搵咗go go translator 同埋俾之前搵到的相佢地睇~~ 細心咁留意到meun上面有寫~~原來呢度呢waiters有分顏色帶, 而顏色帶就係代表佢地的年資~~ 嘩!!!!! 個爐嚟啦!!!!!! 冇錯~~佢地係用炭爐架!!! 總之~~用炭爐就別有一番風味~~~ 嚟啦!!!! D嘢食嚟啦!!!!!!! 塩タン: 應該係牛舌~ 有隻蛋係上面個個~~係生牛肉沙律~~~ 真係.... 真係.... 真係.... 好好味!!!! 我地後來再 encore 咗一碟!!!! 你睇下D脂肪分佈得幾均勻~~~鹽特ロース 呢個生的牛柏葉~~ 真係生食~~ 除咗個生食牛柏芣葉感覺怪怪地之外~~其他都真係好好味!!!!!!!!!!! 其實餐廳真係有好多細心處~~ - 有提供圍裙俾大家, 以防整到D衫~ - 如果所選的肉類有特地醬料, 佢地會介紹~(雖然我地聽唔明, 但動作上理解係咁) - 見大家食得咁上下, 佢地會主動問你有冇其他需要