呢排因為考試,所以少左同女朋友出來食飯。 難得星期六,今次一齊去朝聖睇下IPX,於是就黎左希慎間<<Pizza Maru >>食個午飯。 係入面用餐有個大落地玻璃窗,採光不錯,而且裝修都幾韓風。 餐牌圖文並茂 而家好多韓式餐廳都有既餐具,特別係有炸雞的地方。 我當然都叫左碟<<原味秘製炸雞>>,兩個人叫左碟6件的。值得讚既係D雞真係好夠熱,出哂煙,入口外脆內嫩,仲有香草味。 Pizza叫左個9"既<<香芒海洋>>,除左有芒果肉,仲有好多海鮮,好似魷魚,蝦,帶子,西蘭花等,好足料,加埋個烤醬,味道甜甜的,兩個人食好足夠。 夠哂芝味。 飲品點左杯<<荔枝冰樂>>,甜甜的,好有荔枝味,又有汽,好冰涼。 女友點既係<<熱情芒果冰茶>>茶甜濃,茶既上層有泡泡, 令飲起黎第一個入口嘅感覺好香滑。不過佢話水果味畀茶味蓋過左小小。 ------------------------------------------------------------------------------------ 地址:銅鑼灣軒尼詩道500號希慎廣場13樓1302舖 電話:23181012 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊,請直接聯絡該品牌查詢或∕和尋求相關專業意見。 ***歡迎合作聯絡合作,產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl