作為一個熱愛旅遊的香港人,平時鍾意睇下山睇下水,參觀古城市集。國內既古城近年都去了不少。雲南的大研、束河及獨克宗古城。貴州的青岩古鎮及千戶苗寨。福建的南靖土樓群及北京的南鑼鼓巷等。 但係有一次諗諗下,究竟香港附近有冇古城呢?最近朋友就話有一個,就係大亞灣附近既<<大鵬所城>>。咁近? 當然要馬上吹雞,叫班老友,隔日就出發,來個堔圳古城一日遊。 我地先從堔圳北站汽車總站坐10蚊人仔,車號E11,入大鵬中心。車程一個半小時,全程冷汽開放,好抵玩。 黎到大鵬中心,正值中午,是是旦旦搵一間小店食左碗牛丸粉,成七粒牛丸,多謝您十五大洋。當我以為好抵食之際,對面既老友碗雙拼牛丸加豬什都係15蚊....馬上無言。 係大鵬中心轉M471,車費2蚊,車程15分鐘左加就到古城門口附近。 落左車行100米就到城門口 我地到達既係南門入口 穿過南門,就係主要既南門街 點擊圖片放大 +5 十字街 博物館星期一休館 不過仲有個獨木舟館,似乎好多港客,因為現場都有唔少港幣。 轉入正街(西門附近) 天后宮 點擊圖片放大 +2 西門既城門口比較細, 帶頭大佬可能被狗吸引,竟然迷了路。 接住行到北門一帶,有一個廣場,好多人寫生,其實古城到處都係。 南門西門都不能行上城樓,難得北門可以行上去睇下。 如果可以上到東南門望下,景色都應該唔錯。除左寫生,都有人來影結婚相。 點擊圖片放大 大白象 最後來到東門,可以上去城樓。 城樓上竟然有間茶館,可以飲杯飲,風景也不錯。 沿東門巷走,會見到侯王府及將軍府 點解清乒兵胸口唔係個「勇」未? 最後走回南門,完成左今次既古城之旅? 當然未,難得來到,當然仲有下場。 從大鵬中心有大巴H92號,直到東門,多謝您十個大洋,車程一小時。 從東門轉戰<<京基100>> 今晚另一景點係來食<<南京大排檔>> 論環境呢度真係幾有FEEL,不過大陸食野真係仲嘈過香港。 三個人叫左好幾樣菜, 份量都唔少,味道都唔錯。 點擊圖片放大 +4 重點係埋單時,每人只係七十七個大洋,回望而家香港既新派冰室,食個晚飯都差不多一百大洋,無奈。 總結成個行程用左唔使二百人仔,好得抵。而且古城保存得相對純樸,冇用什麼艷遇來吸客。 ----------------------------------------------------------------------------------- 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊,請直接聯絡該品牌查詢或∕和尋求相關專業意見。 ***歡迎合作聯絡合作,產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl