天氣熱,對於成日去銅記既我真係好鍾意去食下雪糕,<<京林屋>>係我既選擇之一。 雖然新鋪頭係細間左,但都依然保持日式簡潔風格。 因為今次係食晚飯,所以叫左<<京式鰻魚飯>>。個鰻魚飯既蛋絲都真係夠多,紫菜都唔少。鰻魚肉切到一細塊一細塊。撈飯食都幾特別,而且係焙茶飯,食落整體上唔會太甜,好快就被我食哂。 除左個飯,仲有麵豉湯,醃蘿蔔呢。 飯後甜品叫左個<<特製京林屋抹茶餡蜜>> ,抹茶雪糕配上糯米糍、 抹茶啫喱、白玉、紅豆等 ,賣相十分吸引。抹茶雪糕是屬於硬雪糕,吃落會比較有口感,而且抹茶味道都好香濃。配上煙韌的糯米糍 ,軟滑的啫喱及白玉,有質感的紅豆, 口感變得更有層次。 飲品點左<<玫瑰蘋果煎茶>>, 夠凍之餘,入口陣陣的玫瑰蘋果香,食完鰻魚飯,飲幾啖,真係一解口中既油膩感。 女友點既係<<抹茶喬麥麵>>,抹茶喬麥麵舖上了紫菜絲,配上淡豉油,日本芥末,菇粒和日式蘿蔔仔。 一小撮一小撮撈在淡豉油及日本芥末,令麵條入口有水感彈牙及味覺更有豐富。 而女朋友點既<<焙茶啫喱雪糕>>都好吸引到我,因為焙茶比起抹茶會冇咁甜,味道更濃。配上啫喱口感更豐富。 ------------------------------------------------------------------------------------ 地址:銅鑼灣軒尼詩道500號希慎廣場12樓1203號舖 電話:35801838/29602925 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊,請直接聯絡該品牌查詢或∕和尋求相關專業意見。 ***歡迎合作聯絡合作,產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl