做Laser脱毛一定要知, 3大注意事项

大家喺选择脱毛疗程之前,有冇谂清楚咩先系真正适合自己呢?咩系彩光,咩系激光,你又知唔知?彩光定激光,冷冻系统仲有机头都会影响脱毛效果架!

光学脱毛原理

毛囊同毛干中有好多黑色素,光学脱毛就系利用光学原理,沿住毛发经黑色素达至毛囊,毛毛内嘅黑色素吸收光能后温度升高,继而破坏毛囊将毛毛去除。

而光学脱毛嘅效果,主要系视乎光波嘅波长。由于毛囊部位较深,光源嘅波长需要较长,而且有较深嘅穿透先可以达到效果,如果波长太短,表皮嘅黑色素会吸收较多能量,容易灼伤表皮。

彩光VS激光

市面上嘅脱毛疗程有分彩光同激光,好多人join完脱毛疗程都未必清楚自己join嘅系激光定彩光,所以最后做咗好多次冇效果都唔知点解。如果join之前先了解激光同彩光嘅分别,就唔会浪费钱同时间做左无效嘅treatment啦!

彩光其实系一种强力脉冲光线,波长覆盖550nm至1200nm,由多组光束能量组成,打入肌肤嘅光线分散唔集中,只能打入皮肤表层,可以大范围咁解决多个肌肤问题,例如收毛孔同嫩肤,但就唔可以集中处理毛毛问题。彩光仪器嘅机头亦有大有细,大嘅机头令光线更唔集中,所以喺脱毛上得到嘅效果亦更加差。

而且彩光只能打入皮肤较浅层,多组光束能量唔一样,原本就唔系用嚟脱毛。好多用彩光嘅美容公司只系较大度数,令彩光可以再打入啲深层皮肤去做脱毛效果,但系咁做其实好危险,因为过高能量嘅彩光,好容易造成大片皮肤灼伤。就算好彩冇受伤,彩光无论做几多次,毛发亦有好大机会再生,并非永久性架。

相反激光光线集中,通常用嚟针对一种肌肤问题,例如脱毛。激光仪器嘅机头亦比较细,可以针对毛囊黑色素将毛毛脱走。市面上最常见有3种激光波长,分别系755nm、808nm及1064nm,可以做到永久性脱毛。当中波长755nm系最啱黄皮肤亚洲人使用,所以好多美容院都会选择755nm嘅激光脱毛仪器,包括dermes同MediLASE。

机头

啱啱有提到激光用嘅仪器机头系比较细,令光线较集中,而彩光用嘅仪器机头系比较大,光线较分散。除左激光同彩光用嘅机头有大细分别之外,其实激光仪器用嘅机头都有大细之分架!就拎dermes同MediLASE做例子,dermes同MediLASE用嘅都系激光,波长755nm,但dermes嘅机头只有12mm,MediLASE嘅机头就有24mm。下边幅图就讲左12mm同24mm机头嘅分别,12mm机头可以照顾到每一吋肌肤,弯位同罅位都打到,效果仔细过24mm机头好多。

冷冻系统

能量大嘅激光脱毛仪器相对危险性会愈高,所以亦需要好嘅冷冻系统先可以避免受伤。有啲美容院会使用-20度嘅冷冻剂镇静及冷冻肌肤,但有唔少朋友都话曾经试过喺进行激光脱毛时,总有几下冇冷冻剂喷出,果几下得激光打落皮肤上面,所以超痛。所以,我建议大家选择有多重冷冻系统的激光脱毛中心,避免哩啲情况发生,例如dermes会帮客人敷冰、搽Gel,再加冷风机三管齐下,保护皮肤之余,仲会令皮肤保持喺最佳温度,再加埋-4度嘅冷风机系做脱毛嘅时候为皮肤降温,咁样先系安全又令人安心嘅方法。

所以,各位sis join唔同脱毛plan之前,真系要问清楚美容院用嘅仪器,当然最好就试清楚先join,试嘅时候整个部位咁试,咁就可以了解清楚美容院整个疗程同效果系点!大家可以试下dermes或者MediLASE,dermes试做仲有bioderma送,好抵试!

dermes:http://www.dermes.com.hk/tc/promotion/DSELA0915A?ref=DBLOA0716E

MediLase:http://www.medilase.com.hk/%E6%BF%80%E5%85%89%E8%84%AB%E6%AF%9Bmedilaseprou/201510_besexypromo-mainsite/

This entry was posted in 美容療程. Bookmark the permalink.