Derma 21 Medical 絕非黑店 – 旺角試做 Lumenis上下唇脫毛

美容院呢家野向來都最多陷阱,熱愛設伏等你,而我呢D sales出身,抗sell力絕對一流,得閒就最鐘意扮美容卧底去幫朋友幫呀媽試下邊間美容院服務真係好同埋唔太hardsell。俾我發現Derma 21 Medical服務超卓,絕非黑店。

今日我上左旺角雅蘭中心一期15/F Derma 21 Medical試做Lumenis脫毛,上到去既時候其實係遲到,因為我去錯左二期15樓,而唔係一期15樓,我遲左大約10分鐘,但係Derma 21 Medical個邊都冇打電話黎催我,呢個值得一讚,因為你打黎催我其實係會好大壓力,通常遲2-3分鐘就打來催你個D黑店公司一般來講都比較進取,要追好大個quota,所以一般人上到去通常死無全屍。

上到佢,坐左係梳化,姐姐問我飲咩花茶,之後就有個顧問俾我填表同講下流程,跟住就入房放低我D個人財物入locker,就開始訓係床一陣就開始做機啦。好有效率咁馬上開始做野,清潔,搽gel,做機,搽保濕,唔洗15分鐘就做完,做機時唔係好痛,呢部Lumenis冇其他公司D激光咁痛苦,亦都冇傷口,而且好快,我諗左一陣,人地「美人生鬚」,我就「醜納生鬚」,如果脫左D唇毛,雖然唔可以由「醜納」即刻變「美人」,但最少都解決左生鬚呢個問題,於是我就join左啦。

總括而言,我個人覺得都唔錯,亦都唔係好似坊間其他公司hard sell,Derma 21 Medical呢間野我真心推介你地去試做,唔係黑店,因為佢地真材實料,部機我都望過係一部最新model既正貨機。

This entry was posted in 美容療程. Bookmark the permalink.