2015年上一課咖啡課 有性格的Green Door精品咖啡

cstayhungry日日食,日日同你分享美食,follow instagram: cstayhungry 啦!

——————————————————–

 

咖啡經常飲,番工番學前飲,「隊」咖啡頂眼瞓。老實講,平時放假都會盡量制止自己飲,免得浪費quota…

近排好興3D拉花 (其實我興趣不大),飲咖啡就好似變到為咗面頭層泡咁,影到幅靚相就收貨。

近日喺Instagram認識到Green Door Coffee,令到我有少少改觀,咖啡其實唔係用嚟「隊」,更加唔需要花巧。

星期五,膽粗粗走上Green Door搵Antony (老闆),叫佢教我咩係精品咖啡,破戒放假飲咖啡,仲要飲咁多!

——————————————————–

 

鋪仔細細,大概只容納到15人,走簡約風。

IMG_6785

 

IMG_6788

(另一位老闆,亦係咖啡烘焙師)

 

我表明對咖啡零認識,老闆就先俾我試一杯latte,只有普通拉花,無任何花巧,腳踏實地我鍾意。

IMG_6759

果然,同連鎖店出品有好大分別,有少少炭燒味,感覺好rich,就算凍咗,都唔會酸。

 

Waffles都唔錯,水果新鮮,如果唔用普通紅色罐唧cream就好了。製作需時,要俾啲耐性。

IMG_6765

 

雖然我一坐低就講到明唔鍾意酸味重嘅咖啡,但老闆堅持想我試呢杯精品咖啡,即管試下啦。

IMG_6770

坦白講,真係好酸,酸到唔似咖啡哈哈,但離奇地,又幾好飲喎!

原來試咖啡都要好似試紅酒咁,要索啖氣入口,含啖咖啡一陣。

 

咁啱有人嚟學拉花,我順便偷師,heeheeee。

IMG_6779

 

IMG_6782

 

IMG_6762

 

IMG_6776

(三層,頂嗰層係油脂圈crema)

 

——————————————————–

一路飲,一路上堂。老闆講,我盡量聽,記得幾多得幾多哈哈。

嘗試下抛書包,答錯只怪我記性差同領悟力低….

 

Q: 咖啡係咪一定苦?

A: 唔係。好大部份嘅咖啡都唔苦,坊間 (例如Starbucks) 點解要做到咖啡苦好大可能係佢地慳錢,溝奶溝糖溝水後,客人仲會飲到咖啡味 (苦味)

 

Q: 咁咖啡點會苦呢?

A: 咖啡沖出嚟頭25-30ml係精萃 (大概等於1 shot),最好飲,如果過度extract就會有其他唔好味嘅物質出咗嚟。

IMG_6774

 

Q: 咖啡應該係咩味?

A: 首先要知道,咖啡係嚟自coffee berries,自然真正嘅咖啡大多會有果香味,可能係酸,可能係甜,亦可能係苦。呢啲味道全部都係天然organic,而唔係加奶加糖先有。

IMG_6752

(咖啡果皮)

 

Q: 靚嘅咖啡豆係點?

A: 應該係「瓦」色,表面唔應該有油。咖啡豆好似其他植物(例如粟米)咁有油分,如果炒過龍,啲油脂(crema)就會預先走咗出嚟,到磨成咖啡粉沖成咖啡後,crema就會無咗,杯咖啡可能變得苦。另外,咖啡粉係會變味,頭幾日可能會似黑加侖子,過幾日可能會似藍莓,再過多幾日又唔同。

(如果我拋錯書包,請原諒我…)

 

——————————————————–

同老闆傾咗接近三個鐘,感受到一份熱誠同夢想,一份我以為只屬於後生仔嘅passion (errrr老闆應該都算中年人士)。

為咗教客人咖啡文化,堅持唔用skimmed milk,堅持賺少啲都要品質好,堅持只賣拍得住咖啡質素嘅食物,真心欣賞。

有興趣去飲杯精品咖啡嘅朋友,可以問下老闆鋪名嘅由來,可能會得到一個意想不到嘅答案 :)

IMG_6789

 

Green Door Coffee

地址: 尖沙咀嘉蘭圍三號地下G3號舖

營業時間: 每日12nn-8pm

——————————————————–

Food blog on instagram: cstayhungry

Email: cstayhungry@gmail.com

歡迎任何試食及合作活動,多多指教!

銅鑼灣登龍街尋「辣」 冬天愈辣愈過癮

cstayhungry日日食,日日同你分享美食,follow instagram: cstayhungry 啦!

———————————————————————————————

唔熟港島區嘅朋友可能未必知登龍街係邊,其實相當易搵,一出銅鑼灣港鐵站時代廣場出口行幾分鐘就到 (鵝頸橋隔離)。因為工作關係,近幾年時不時都會去登龍街食飯,朋友問我銅鑼灣有咩食,我一定叫佢地去登龍街,港式、中、日、意、韓、越南、泰國菜等等等等,應有盡有,唔單止數量多,仲要有質素,出名嘅餐廳有Jamie’s Italian、豚王、BBQ 7080等等。港女雖然都鐘意去以上餐廳,但今次以「辣」為題,決定要介紹兩間唔係好多人識嘅小店,小店萬歲!

 

1.麵館皇
開業一段時間,但我一直留意唔到佢嘅存在,直至上星期日放工後,我同企鵝大人先發現到。(間鋪絕對顯眼,係我個人問題!) 當日得14度,手腳長期冰冷嘅我一定要食啲辣保暖。

雖然凍,但俾menu上嘅麻醬雞絲冷麵吸引,啊,死就死啦最多咪凍!

未食已經聞到濃郁嘅麻醬味(香過花生醬),其實有啲似雞絲粉皮,用咗大量青瓜撈麵,感覺清新唔會太膩,唔怪得係招牌菜,不過略嫌麵身有啲硬!

 

香港 銅鑼灣 登龍街 小店 辣 麵館皇 麻醬雞絲冷麵

 

食冷麵咁凍,要食番個湯麵balance番,所以我地點咗個麻辣牛展灌湯刀削麵。原先仲以為灌湯係雞湯(唔好問我點解,我諗起罐裝雞湯),上菜聞到陣味先知……..原來係有藥材,藥膳嚟架喂,好特別!!!

唔使怕,藥材味唔濃,非常易入口,但藥材起到作用啊(我諗),好似食完人參雞湯咁,個胃同手腳都暖哂!

 

香港 銅鑼灣 登龍街 小店 辣 麵館皇 刀削麵

 

刀削麵人手搓、人手削,肥嘟嘟,好飽!

 

香港 銅鑼灣 登龍街 小店 辣 麵館皇 刀削麵

 

「辣」出場!牛展牛肉味濃,唔羶,辣一定要另上(我食得辣都食到條脷痺咗),辣椒油做底,點兩下就夠唔好多,如果唔係會蓋過咗牛肉嘅味道!建議唔好將辣椒油浸落湯,唔好破壞咗個藥材湯,分開食超正!

 

香港 銅鑼灣 登龍街 小店 辣 麵館皇 牛展 牛肉 辣椒油 藥材湯

 

除咗麵之外,仲嗌多咗兩個小食:小炸雲吞同豆腐,炸雲吞有十粒,足料﹗而豆腐就不過不失啦!一定要encore個灌湯刀削麵,下次要食口水雞,見到隔離枱有一大隻雞脾……(葡萄)

 

香港 銅鑼灣 登龍街 小店 辣 麵館皇 小炸雲吞 豆腐

香港 銅鑼灣 登龍街 小店 辣 麵館皇 小炸雲吞 豆腐

 

點解張單個地址唔係銅鑼灣嘅?

 

香港 銅鑼灣 登龍街 小店 辣 麵館皇

 

價錢: 平均每人$60 (連凍飲)

 

2. 新記車仔麵

去車仔麵店唔一定要嗌碗麵堂食嘅,嗌碗外賣淨餸都好過癮!去開銅鑼灣或者鍾意食車仔麵嘅人應該都識新記,佢出名在個辣汁,唔係講笑,真係辣到飛起。我第一次食唔知頭唔知路落咗好多,成碗麵食唔到。

如果唔敢試招牌辣汁可以試咖哩汁,低幾個level,不過都足以令人出哂汗,好爽!星期六、日等小巴入赤柱大排長龍不妨買碗take away邊食邊等!

 

香港 銅鑼灣 登龍街 小店 辣 新記車仔麵 車仔麵 咖哩汁

 

價錢: 平均每人$50 (連凍飲)

 

題外話: 如果要比較service嘅話,簡直係天同地……

麵館皇老闆/侍應態度超好,有講有笑,仲會搞下爛gag同介紹有咩好食。

而新記呢…張點麵紙畫得衰啲都會俾阿姐鬧……

 

————————————————————————————

Food blog on instagram: cstayhungry

Email: cstayhungry@gmail.com

歡迎任何試食及合作活動,多多指教!

率先試食.九龍城諾亞半熟蛋糕專門店

睇食評前請花啲啲時間follow我個food blog :p
Instagram: Cstayhungry

———————————————————————————————————————————

深水埗最近有間甜品鋪賣半熟蛋糕
流心程度好吸引 但怕排隊嘅我點會願意去「等食」
好想好想食 點算呢

咁啱得咁橋 Instagram上有位blogger邀請我去九龍城一間即將開業嘅半熟蛋糕專門店試食
今次有口福了
專門店位於九龍城衙前圍道近龍崗道
雖然鋪仔細細但黃色theme好易認

 

台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜
老闆話要先試試水溫 驚太「唔熟」香港人唔敢食所以唔敢整咁流心
不過繼我話愈流心愈得人鍾意哈哈

先試芝士味 有朱古力做面
芝士味好濃 加埋海盬味 好得我歡心yeah
(不過應該唔啱怕膩人士)
c12

 

跟住到忌廉哥出場喇 真嗰隻忌廉哥開幕日先喺度 見佢唔到 :’(
大大塊忌廉哥白朱古力喺面 唔少途人都俾佢吸引到
用上京都綠茶 絕對唔hea 但出咗少少問題無流心效果
失望失望 我俾多次機會佢下次再試!!

 
台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜

台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜

 

仲有朱古力同原味蜂蜜
今次流心效果就好突出喇睇下!!!!!!!!!
台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜

台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜

台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜

 

除咗半熟蛋糕之外 仲有賣puff
有得自己唧 一個puff唧一樽幾過癮
為咗試多幾隻味 我決定唧係面哈哈哈
相入面嘅係綠茶同吉士 (綠茶好似wasabi呢)

 

 

台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜 puff

 

台灣 香港 九龍城 諾亞 半熟 蛋糕 專門店 人氣 流心 綠茶 朱古力 芝士味 忌廉哥 蜂蜜

 

咁多款中我最鍾意原味蜂蜜同芝士
因為溫度同流心程度都同我想像中差唔多
而朱古力味雖然好食 但同心太軟無咩分別 只係一個凍一個熱 無咩特別
蛋糕用海藻糖(其實我唔知係咩 自己wiki下哈哈) 代替白沙糖
健康啲無咁肥 蛋糕本身都唔係好甜 唔好甜食嘅人都可以一試

6/12 正式開幕!

店名: 諾亞半熟蛋糕專門店
地址: 九龍城衙前圍道64號 (近龍崗道)

———————————————————————————————————————————-

Food blog on Instagram: Cstayhungry
歡迎合作及試食活動