放工啦!一落樓望過對面,竟然咁就搵到好嘢啦︿︿估唔到有間咁文青嘅餐廳就正正喺我公司對面,真係孤陋寡聞。一於入去試試啦! 一入到去又係我最愛嘅黑白裝飾 夜晚嚟到估唔到啲裝飾咁浪漫 點擊圖片放大 +2 牛油果烤雞芫茜青檸沙拉 $88 烤雞外皮好脆,肉質嫩滑,咬落去啲雞汁出哂嚟。 芫茜愛好者可以一試,自家製嘅芫茜醬沾烤雞一啲都唔油膩,仲好清新Tim! 芝士牛肉漢堡扒雜菌醬汁飯 $148 個醬汁飯絕對絕對唔係求其放啲汁落去,佢將個醬汁同飯拌到粒粒分明嫁,令你每一粒飯都食到個醬汁嘅味道,誠意十足 士多啤梨雞翼 $58 最估唔到嘅士多啤梨汁同個雞翼可以咁夾,甜甜酸酸十分開胃!廚師仲細心到將雞翼開邊方便客人進食。 整體來說,呢間餐廳嘅食品味道都好好,但價錢就偏貴啦。但想同兩三個姐妹去傾下計影下相呢度都係一個唔錯嘅選擇,因為佢個地點都好方便同裝潢設計真係靚嘅! 《飼說》 銅鑼灣怡和街42-44號華人銀行東區大廈2樓 星期一至日 :12:00-23:00 C.M.食遊記 信箱 : cm.eatlife@gmai.com (Instagram) CM食遊記 【PressLogic – Holiday】CM 食遊記