今次獨遊台北一落機就去左誠品!再番酒店check in ,整完都成八點,一於就落下樓下睇睇有咩台北傳統小店好食啦! 嚟到台北,第一餐想食下啲台北最馳名嘅嘢食,但又唔中意食大集團嘅我當然就喺啲橫街窄巷搵搵好野食啦! 喺酒店附近遊蕩左幾分鐘,就聞到一陣陣濃郁嘅肉燥味,令我忍唔住一於入去試試啦! 店舖有分外賣堂食兩種,當地人大多數都係外賣。當我企喺度諗食咩短短嗰一兩分鐘已經有成10幾個人買外賣走啦。 店舖裝修簡單而又傳統。 食物價錢亦非常便宜! 我最後叫咗擔仔麵+豬庫! 唔好睇佢細細碗都真係幾飽。嗰擔仔麵個汁10分濃郁。 碟豬庫睇落好似好肥咁,但食落一啲都唔油,原來老闆娘話啲豬庫已經炆左四個中,所以所有肥油已經炆哂出黎,所以食落口只有彈牙而冇肥膩感。 今次呢餐真係食得好滿足,可惜嘅係一個人試唔到咁多嘢食。 《阿豬嫲》 地址:新北市三重區文化北路16號 C.M.食遊記 信箱 : cm.eatlife@gmai.com (Instagram) CM食遊記 【PressLogic – Holiday】CM 食遊記