南生圍嗎?自從大火燒過後都沒有去過, 近排去過既朋友都只係給一個評語︰唔靚啦, 人又多, 唔好去啦~ 咁岩CK仔一早就約左2位表姐同個表姨甥入屯門探狗仔 而表姐們都叫我如果有簡易郊遊, 不妨叫埋佢地一齊去. 咁就不如等我地一齊去探索下南生圍有幾唔靚, 幾唔值得去啦^^ 今日器材, 非常簡易, 好輕便啊 ^V^ 交通路線圖, 上網到有C兄寫得好詳細! 大家可以參考 http://www.dchome.net/forum.php?mod=viewthread&tid=675608&page=1 今日仲突然多左位貴賓, 就係我姨媽~ 咁樣, 我地就變左家庭遊~~ 不過因為表姨甥(Jack仔)怕搭橫渡, 我地就決定搭的士入去, 等佢熟習左環境, 走時先"逼" 佢試搭 :P 早上十一點半到左元朗西鐵站, 搭大約$50的士就入到另一面入口~ 一入到去就見到個牌~ (我記得以前好似冇?? ) 唔好講咁多, 試鏡, 今日70%時間都用40mm f/2.8G 影, hee hee~~~ Jack仔出場 ^^ 仲有一位小朋友, 佢叫做Kola, 蝴蝶犬, 2歲女女~~ 都唔係咁差姐南生圍~ 點擊圖片放大 有咩望, 咁投入啊? 你又望緊咩啊? 睇下Jack仔幾招積咁拖住Kola 妹~ 同媽媽級表姐去郊遊既好處, 就係有人為我地準備三文治, 好窩心啊 ^^ 話說Kola 妹好驚草地, 一直係咁想人抱.... 不錯的風景~ 以前都見過呢間屋, 但冇行過去, 今次我地大家都想試下行, 不過唔知點入去, 周圍睇下先~ 行完左面行右面, wow, 好多人畫油畫, 似係一團人咁入黎~ 好寫意, 如果我都有機會係到畫畫都唔錯!! 焦點位~ 第一轉過黎時唔算多人, 好快排到有得影 :) 點擊圖片放大 +2 時間尚早, 人流算少~ 又有個傻豬仔想人抱啦~ 你當左自己係林峯, 係咁CHOK 咩 ^0^/ 你話你係咪懶可愛先？ 但係我心目中你又真係好可愛, 至錫係你啦^^ 一人抱住一個小朋友 :P 但我o個個... 原來你已經長大, 有40磅了... 有點吃力, 哈哈! 我地3個都好耐冇一齊出街啦, 要好好珍惜每一次^^ (有人樹熊式擁抱...) 請問, 你R完底未呢? 好快就行完, 去左個士多食左D野, 之後問番原來係一入黎個到有條路仔入屋 我地就行番過去. 不過太多人, 好快影左1,2張就走... 呢個時間只係2點幾, 但D人愈來愈多, 可能大家都等睇日落? 如果大家想輕輕鬆鬆行, 建議大家早D去, 舒服好多 唔洗同人逼. 其實呢到作為2小時行行走走, 也不錯吧 反正之後可以順便落元朗開餐^^ 橫渡, 記得以前係一對老夫婦做, 之前好似聽聞過政府就橫渡經營權而收錢, 所以老夫婦退休唔做? 唔知最新情況係點呢... 簡簡單單既南生圍就完左, 今次地方好簡單, 但我有好多感受想記錄一番. Jack仔, 由細睇到你大, 記得o個陣你表姨我好鍾意影相, 唔多唔少都係因為你. 同你由細影到大, 但好有心機整過一隻DVD, 入面放曬你地D相, 而bg music 係"小時候" 話咁快你就讀幼稚園, 我地黎睇下你5年既改變: 點擊圖片放大 +2 係我心目中, 你仲係咁可愛, 咁純真, 咁有愛心, 咁乖仔 我希望你可以保持著這難得的童真. ^^ 愛身邊每一個人, 係你一直既優點. 呢D咁肉麻既野, 真係我同你先做得出 所以我相信你長大後都會係一個開心快樂人 hoho~~~ (出賣了表姐, 唔好意思, 但場面實在太溫馨, 容許我幫你曬下命啦) 即使前路有多迷, 終點也在眼前, 無論我們花多少時間, 步伐, 只要有心, 我們也能到達的。 由細到大, 好多親戚都好錫我, 記得細細個表姐就成日帶我去歡樂天地玩, 成日買玩具俾我. 去過好多好多地方. 今日, 我長大了, 我可以帶番你們到不同地方. 這次的家庭樂, 令我想製造更多機會, 帶埋我既婆婆, 媽咪, 細妹, 一齊郊遊, 我相信, 婆婆會好開心的. 只要一家人在一起, 那怕只是迪欣湖抑或是佐敦谷 有愛, 就會快樂. 等我, 我會約大家的 :) 如果喜愛CK仔寫BLOG, 請LIKE 我Fans Page ar ^^ 有你地既支持, 是我行動的原動力! :) https://www.facebook.com/chiuck1001 Jack 仔記 https://www.facebook.com/pages/Jack仔記/160209257508546
