今日沒什麼事做, 就一個人去西貢橋咀 之前只係去過一次, 個次其實係想去半月灣, 但搭船姐仔叫我去橋咀, 話都好靚架. 但應該係因為o個陣係潮漲, 所以根本睇唔到天然沙堤, 就覺得一D都唔靚同超悶同好細. 但呢排睇唔同blog, 都見到D相其實都好靚, 咁就決定要去多一次. 係坑口轉101M小巴, 好多人排隊~ 等左大約15 MINS 到就上車 去到碼頭就搵船搭, $20 一位來回, 好平. 其間我仲見到有環島遊$50 一位~ 同埋國家地質公園. 我記得早排我睇過HK Local tour 去國家地質公園, 要$4XX. 唔知係唔係同一個呢. 如果係, 咁都真係幾抵喎! 同又見到鹽田梓, 下次又可以做下research, 睇下值唔值得去啦^^ 其實, HK既海都幾靚丫, 都好舒服. 來到橋咀島, 得我一個落船, 平日連落船都會R底既我, 今次唯有靠自己, 冇得扶. 因為有浪, 佢架船車輪胎有時掂樓梯, 有時又唔掂, 哈哈, 我緊係驚啦.... 我企左係到等左10秒到先落船, 船到D人同我打氣咁, (可能係嫌我太慢) 唔理lu, 反正得我一個, 佢地又唔識我 :P 點擊圖片放大 我睇過潮退得最勁係3點, 望一望錶, 都係行左過去先! 因為大約五點就開始漲番~ 見到有人浮潛, 我之前都諗過, 其實HK有冇浮潛架呢? 原來咁近就已經有!!下次有機會真係可以試下! D水好清. D石好得意~ 點擊圖片放大 +3 呢粒好似俾人咬左一啖既菠蘿包 有好多好細個既水氹仔. 入面都好多小型生物, 魚仔啊, 硯啊, 等等. 好可愛 其實, 我行呢D 石, 我都會驚跌倒, 慢慢行, 一步一步, 我終於行左過去了! um....看似之後要行山路bor... 一場黎到冇理由唔行, 望一望. 我決定試一試 行左5-10 MINS到就上左去, 好靚好舒服啊~ 之後有個位落番去. 我掙扎左一陣行唔行 結果都係落多少少望下 (明明當時係斜D, 相到睇好平) 點擊圖片放大 行多一陣, 好似真係可以落到另一面, 不過, 我發現我好口渴. 然後醒起自己其實係咩都未食過, 結果, 就冇再行LU~~~~返回原路~ 回去途中, 原來有人係到露營, 多麼青春的一件事, 如果係到睇日出, 我估都會好舒服! 行左去另一面, 這個, 是石灘嗎？ D水真係好清!! 當然, 我亦有啦啦拿買番枝寶礦力, 可能太曬, 太少運動, 太肚餓, 太口渴, 我有少少腳仔軟. 唔, 聽日一定要食飽先去玩. 亦見到有D蝴蝶, 不過都係常見既4隻品種, 留低影左一陣就去搭船了. 自己一個人去郊遊, 好自在, 好寧願, 好Relax. 從前我應該唔會做呢D野, 係今年開始, 學習享受自己一個. 一個人睇戲, 一個人效遊. 大概有時約人實在太麻煩, 不過咁講唔代表我唔享受同朋友聚會既時刻. 只係有D野, 冇人陪, 都可以自己做 :) 長大了, 要好好學習, 當我行天然沙堤, 同埋上個小山路時, 我發現, 其實每人都會愈到不同的挑戰, 難關, 只要肯踏出第一步. 也會比想像中易過. 當然都要衡量自己生命安全 :P 成功了, 給自己一個紀念. 另外, 其實咁睇, HK都唔係咁差姐, 都好靚丫 :) 留在HK, 也可以活得開心. 下回預告, CK 仔聽日去塔門. 好快再同大家分享!
