《半年感受》 隱適美 好處壞處逐個分析

不經不覺,原來已經箍左牙半年,去到20個牙套。

當中真係體驗到隱適美嘅各種好處同壞處。

開始講之前,想講返火炭康齒堂依半年俾我嘅感受。

其實醫生同姑娘都好好,覆診又唔洗等,多數坐五分鐘就入得。

Chewie咬耐左,拎返去換個新就得。

不過其實中間都發生左啲事,令到我好唔開心,同好嬲。

就係有一個坐reception 嘅姑娘態度係比較唔好。每當客人有要求嗰陣,佢好似唔想多理,同埋唔會滿足我地嘅要求。 (唔單止我覺得,我介紹去嘅朋友都覺)

例如,因為開頭個牙套會成日割到個嘴,我問醫生可唔可以拎牙蠟黎痴住個戒嘴位,醫生話可以,叫我去reception拎。 點知個姑娘好似唔想俾我咁,話冇用架,痴唔住架。但我都堅持要一,佢先肯俾我,其實不知痴得幾好,即刻舒服晒。

又有次,我平時約覆診都係固定時間,因為要返學,所以我唔會記錯時間。

有一次,我照舊時間覆診,個姑娘竟然話我去錯左時間。我心諗有乜可能係我記錯,根本係佢幫我約錯,之後就慣賴我。

最嚴重,最嬲嘅就係,我一月已經開始拎到牙套箍牙,咁我好想睇返條片,望個進度。

由一月叫個姑娘send俾我,等左三個月都收唔到。期間我已經係每次覆診都問下點解仲未有。佢就答,我同同事講左架啦,唔佢地唔send我都冇辦法。

嗰下真係嬲到傻左,真係太過份。之後決定寫信去康齒堂個集團投訴。

好快地,游醫生個姑娘主動接觸我,好有禮貌,好快咁send返段片俾我。

所以,提下大家如果遇到嗰個姑娘不理不睬,真係唔好怕。 堅持,同埋有需要可投訴。

不過,除左佢,其他姑娘都好好,好有禮貌。所以唔洗擔心。

———————————————————————————————————-

跟住就講返我箍牙啲野。 依半年因為學業都忙,冇更新進度,但期間都有好多人email搵我介紹。 搵我介紹冇問題,不過考慮清楚,睇埋下面隱適美好同壞處,先決定都得。 真係有需要就email啦。

好處:靚

基本上,你唔講冇人知你箍緊牙,唔洗俾人笑鋼牙妹。 就算知道左,整體上都唔會覺得你有分別。 但係,如果你本身哨牙,再戴左牙套,個嘴會仲突。一開始會咁,成日有人問我係咪含住啲野。(個人建議哨就要剝牙,唔好驚痛,唔係到時箍完仲係哨,又浪費時間,又浪費金錢。痛都係打針嗰下,其他冇乜野。) 同埋,去到幾個套之後,就上橡根,到時就係人都知你箍牙。不過整體,都係靚過鋼牙嘅。

唯一嘅好處真係得靚

壞處:

1.極唔方便

次次想食野都要除個牙套先食得,有野食都唔可以即刻食,有野食都要諗過先食。

因為你食完野就要刷牙,用牙線,先戴得返個套。 每日最少都要咁搞三四次,話唔麻煩就一定係講大話。 出街經過,想飲杯珍珠奶茶,但諗起又要除套刷牙,咪搞了。 所以出門都係飲水多。 有時連旅行都要諗下去唔去好,去旅行緊係要不停食野架啦,箍緊隱適美去旅行應該好痛苦。  (我個case,醫生話每星期換一個牙套,每日戴20個鐘就可以)

但我多數都戴到21/22個鐘,因為依家除左 午餐同晚餐,其他時間都時廢時去除牙套食野。

如果你真係想箍依個,要有心理準備,一啲都唔輕鬆。

不過我都習慣左。

 

2. 好貴

鋼牙出面都係二萬幾蚊,隱適美要四萬,有啲但五萬都有,貴左一倍。

真係要諗自己負唔負擔到。 不過康齒堂有12/24免息分期,唔洗俾首期。所以我分左24個月,每月俾千七,千八蚊。

但個總數都係好貴,要諗清楚。

3. 牙套都係會割到嘴,生飛之

有人話鋼牙會割到嘴,牙套唔會,其實兩樣都會。

一開頭我個嘴都俾牙套戒到傷晒,用左牙蠟同埋用指甲銼整下個牙套就好好多,有時條利都會戒到。

 

總結黎講,隱適美得一個唯一同最大嘅好處,就係靚。

為左靚,價錢要俾貴一倍,要忍受極麻煩同唔方便嘅食野程序。

如果你問我有冇後悔,我應該係答冇。因為真係唔想做鋼牙妹。

 

半年回顧係咁多。

This entry was posted in 其他, 其他. Bookmark the permalink.
8 Responses to 《半年感受》 隱適美 好處壞處逐個分析
  1. ViVian Ng says:

    講得好詳細! 我都好想箍 可以麻煩你做我介紹人嗎?
    vvvian2@gmail.com

  2. Mani LI says:

    多謝分享,可以做我介紹人嗎? 謝謝
    mani.li.1024@gmail.com

  3. Mansheung Chan says:

    我可以做介紹人呀,請pm我: mansheungchan228@gmail.com

  4. Hys Shan Venus says:

    Hi ! Thankyou for sharing your experience:)
    I am going to consult 2-3 doctors in Aug.
    Would u mind to introduce me? Thanks alot^^
    venus.hys220@gmail.com

  5. Hys Shan Venus says:

    Hi ! Thankyou for sharing your experience:)
    I am going to consult 2-3 doctors in Aug.
    Would u mind to introduce me? Thanks alot^^

  6. Fatcowhui says:

    Hello ! Can. U introduce me to visit dr? Thx a lot!
    Fatcowhui@gmail.com

  7. Mansheung Chan says:

    你好,多謝你ge分享。
    我下星期都去consult游醫生。
    請問可以做我介紹人嗎?
    mansheungchan228@gmail.com

Comments are closed.