我今日無早起,我訓到8點。 點解?咁快已經堅持唔住喇?? 唔係,而係我諗醒左一點。一直到宜家,我都未有持續既一個動力來源。 咩動力來源?即係我既Goal,我幾日每日係可以早起,但係起完又點? 我亦有plan好自己每日要做既事,但呢D無助於一個無明確Goal的人。即係我好似做完功課就算咁,並無感覺到自己既進步。 係打緊呢篇文既時間,聽到「結果導向性」呢個term,我覺得非常地適合形容我近幾日既狀態,我無一個結果為我導航。前幾日有準備interview,一直努力溫習同吸收新知識。但面試都係近期的事,我面試亦不足以成為一個目標,推我全日去開盡引擎去做事,所以近幾日我早上起完身、跑完步、整左早餐,然後睇幾眼notes/youtube就好快又好眼訓。呢樣係點解呢?因為我無係當中拎到所需要既野,姐係我做既過程中feel5到自己向目標邁進緊,所以得5到精神食糧。呢樣係好重要既一樣野,亦好影響到我可5可以持之以恆做一件事。 如果你有感覺到自己同理想愈來愈近,你一定會愈來愈肯去做果件令你同理想近既事。而前提係,你要知自己理想係咩,行到邊步。我就係5夠清楚自己既理想,所以行行下會停左,會猶豫,會5想做。 你對理想的渴望有幾大,你就會有幾大既繼航力。所以一直以來,自己真正想要既係咩,問清楚自己先,行你自己條路既過程中,你難免會見到其他人有同你不一樣既選擇,如果你係個好鍾意同人比較既人,咁你就gg,我就係咁既人,然後好易覺得自己既理想唔及人咁好,或者覺得唔值得咁搏命去追,跟住就變得消極。呢種時候,最好係點做呢?我暫時都諗5到咩好方法,但係我會覺得忽視佢地,遠離呢D負能量來源係其中一方法。唯有咁先可以令自己減少雜念,更加集中係自己的路。 見左幾份工,但每見一次都會諗做果份工之後條路會點,雖然人地未必會請我,但我每次見完了解多左條路之後都會覺得條路OK,反而更加5知自己想要咩了,亦會後悔自己無表現得最好。我呢一刻,其實都幾不知所措。所以與其早起然後又全日攰都死死下,不知為咩,不如訓個好教,然後好好認真再諗清楚條路點行先,調節好心態再行。