呢個workshop其實已經係上個月發生,但由於小妹太忙啦,所以一直未得閒出番嗰日的post,今日見得閒d,就同大家分享吓當日去呢個香港萬麗海景酒店 x myCOOKey 抹茶甜品教室 + 精緻下午茶嘅workshop情況先! 今天舉行workshop的地方係香港萬麗海景酒店,而今天的主題為抺茶,會學整兩樣甜點,包括:抺茶奶凍及抹茶mousse拿破侖,而導師就是酒店裡的head chef-pastry何師傅。 呢個奶凍係易整的,只要將暖嘅忌廉+抺茶粉+糖+魚膠,攪勻就得gala!10分鐘內可完成! 再倒入樽內,放雪櫃雪2小時就完成了!真係超級簡單同易整! 待奶凍雪藏時,我們就開始整第二樣抺茶mousse拿破侖了!何師傅先教授點整抺茶mousse,其實見佢整,又係好易 先將忌廉打至7-8成企身,然後蛋+砂糖打至輕身,暖牛奶+魚膠+抺茶粉攪溶,然後再兩者攪勻,再加入已打至企身的忌廉中,再將mousse放入雪櫃雪大約半小時以上 之後就整個拿破侖皮啦,在枱上灑上麪粉,再將酥皮用棍碌至2-3毫米薄,跟住再係咁拮孔,孔愈多愈好!咁呢塊酥皮就可以攞去焗啦!以190度火,焗15分鐘至金黃色 而以下呢一塊呢,就係小妹自己整的酥皮啦,焗完出咗嚟,裁好,就係咁ga樣gala! 之後再吱埋d抺茶mousse夾心,再一層一層咁叠起佢,叠三至四層,就大功告成了! 今天的完成品,頗可以吧! 而何師傅亦親手整咗好多抺茶奶凍比我哋即場試食呢!大師傅整果然唔同d,又滑抺茶味又重!仲唔係好甜呢! 最後緊係要同何師傅集郵吓啦!今天辛苦曬佢了! 今天唔止係學整甜品咁簡單呢,仲可以食到香港萬麗海景酒店嘅high tea呢!好滿足啊! 其實myCOOKey都成日有d唔同類型嘅workshop的,想知更多,自己去佢嘅facebook睇吓啦!https://www.facebook.com/myCOOKey/