出發前做咗唔少資料搜集,見呢間近近地,評價又唔錯喎,而且仲有得喺Facebook訂位,所以媽媽上星期已經安排咗一落機,就去試吓佢哋最出名嘅布咕咖喱飯同all day breakfast。 擺番個POSE影張相先. 笑~ 布咕咖喱飯係呢間餐廳嘅主打,對於我哋三個完全唔食辣嘅人嚟講,佢嘅咖喱只係微辣,配搭牛肋條、炸雞同吉烈豬扒,真係好豐富,佢哋嘅吉烈豬扒仲好好食添呀! All day breakfast好精美,有沙律、炒蛋、磨菇、西多士… 樣樣都唔錯,食到寶貝女停唔到口呀! 價錢方面,TWD269一份,諗住兩大一小叫兩份主菜啱啱好啦,點知大份到食唔晒架,weekday仲送多個湯或薯條或沙律,另外點飲品仲有半價! 一間好食、職員態度友善、環境氣氛都唔錯嘅餐廳,下次一定會再去。♥ •布咕咖啡 Boo Goo Cafe• 台北市敦化北路120巷19號 ~ 捷運南京復興站行5分鐘就到 ~希晴媽媽與寶貝女~facebook連結