根據朋友去年嘅經驗,呢個未必係一個超好玩嘅活動,不過有得現場近距離睇馬仔喎,駁得過!結果冇令我哋失望,山長水遠去到沙田馬場,都算幾好玩,復活節假期嘅第一日,媽媽已經散晒喇! 呢個活動最期待嘅,當然係馬術表演啦,有越野賽、障礙賽、盛裝舞步,寶貝女平時隔住電視睇障礙賽都會好緊張,嚟到現場簡直超興奮! 點擊圖片放大 遊戲方面,有吹氣瀡滑梯~ 最好玩就係個超大波波池,小朋友喺巨型氣球上又爬又跳,睇到寶貝女嘅笑容就知好開心啦~ 點擊圖片放大 +3 由於下晝開始曬,我哋轉咗入室內做手工,雖然要排長龍登記,不過對於咁多人嘅活動嚟講,真係安排得唔錯,寶貝女玩整沙樽~ 今年玩得咁開心,如果下年再有呢個活動,我地一定要再去玩呀!! 希晴媽媽與寶貝女~facebook連結