早前新年長假期,搵埋婆婆去咗<Holiday Farm 假日農場>玩下,盡興一番。今次真係好驚喜呀,因為呢個農場唔單止有農田有動物,仲有好好玩嘅遊樂設施架! 建構喺小山坡同樹旁邊嘅遊樂設施,對寶貝女黎講真係又刺激又好玩,淨係見都啲相都知佢玩得好開心啦: ~有坐住麻包袋嘅滑梯 ~有膠桶造成嘅激波船 ~有一個成年人咁高嘅搖搖板 ~仲有穿梭兩棵樹之間嘅小吊籃 ~仲有簡簡單單嘅車胎千秋添! 去得農場,預咗餵小動物,不過似乎牛同豬嘅年紀大喇,唔係點郁,所以寶貝女去咗餵兔仔同葵鼠,期間農場仲放咗啲山羊出黎同大家近距離接觸添! 交通方面,去到上水火車站轉搭10分鐘的士,都唔係太遠。 農場入面有得燒野食,不過我地三個人就食飽早餐,再帶啲簡單食物入農場野餐,另外小賣部有奶茶、咖啡、豆腐花等等。 寶貝女好希望約埋朋友仔一齊再去呀!!! 希晴媽媽與寶貝女~facebook連結