之前去完科學館睇超感觀暴龍展,用擴充實境黎呈現暴龍嘅面貌,其實原來有本書2014年已經出咗,仲喺屋企都玩到添呀! <<哇!恐龍跑出來了>>呢本書,對於寶貝女嘅年紀黎講,似乎深咗少少,始終都係好多唔常用嘅字,所以都要靠媽媽一齊讀,一齊玩。 書入面介紹咗好多唔同嘅恐龍,其中有四種,用個手機app影咗嗰版,嗰一種恐龍就會突然間出現喺你屋企架喇!睇下佢喺我張梳化度呀! 最好笑嘅係,佢唔係一個video,隻恐龍唔識自己行,係要你好似打機咁控制佢走黎走去,仲會有叫聲添!當你控制佢到你想佢去嘅地方,你就可以用個app黎幫佢張相架喇! 有得玩,有得睇,呢啲親子活動都幾開心架,不過唔好訓覺前睇囉,一定唔捨得訓。哈哈~ ~希晴媽媽與寶貝女~ facebook連結