唔知大家有無返一部兩部洗面機係屋企架呢? 實不相瞞,小妹家中就有4部,而我個人覺得普遍既洗面機咪就係有個毛刷頭,之後係面上轉轉轉,之後自己熄返部機就完成洗面LOR,所以最後我自己都係用泡網or手起泡洗面。但最近收到呢部 LumiSpa,真係令我對洗面機改觀......嚴格黎講佢根本唔止係一部洗面機,而係「潔面美容儀」! 你當然又會問,車...咁同平時既洗面機又有咩唔同呀~各位觀眾,登登登凳,佢係一部除左幫你做清潔肌膚,仲可以幫肌膚做運動既美容儀,而 LumiSpa 用到其獨家首創既微脈動反旋科技設計,獨特旋轉頻率令潔面產品可以充份入晒毛孔深處 ,做到清潔油脂同毛孔中囤積既污垢,而且唔同既頻率旋轉震動更可以幫肌膚進行運動,而且亦有助維持健康肌膚蛋白,令皮膚達至煥膚既效果。 而最特別係,佢唔係毛刷頭,佢係一個帶波浪紋既潔面導頭,而呢個亦都係我好喜歡佢既一個原因,因為市面上真係十個有十一個都係毛刷頭,而大家有刷牙都知,毛刷既產品係難乾,而且縫隙之間亦易藏污垢,令細菌滋生。而 LumiSpa 既護膚導頭經特別設計,採用含有銀離子及柔軟既抗菌醫學級矽膠製成,可以錫住肌膚咁去除表層老廢角質既同時,亦可能會幫助後續護膚品吸收,除此之外,亦都可以保持導頭乾爽,比一般毛刷潔面儀器更衛生。 而清洗亦非常方便,只需要輕輕一拉,導頭就可以整個拆除進行清洗。 LumiSpa 既圖文說明書非常簡單易明,只需要按一下機身,就開到部機,而關閉亦都只係需要長按開關即可。充電方面,只需要將部機放係叉座上就可以。 有叉座亦都方便每次將LumiSpa放好,唔使周圍亂放。 LumiSpa 亦都有隨機跟一支 Normal Treatment Cleanser配合使用,佢可以清潔毛孔同去角質,只需要沾濕一下面部同機頭,就可以開始潔面架喇~先係額頭,再來係面珠,最後下巴。 我先沾濕全面,搽上少許潔面gel,之後沾濕潔導頭,就可以按鍵開始潔面同做運動LU..... 先係額頭,記得髮鬢邊都唔好放過呀~ 之後係面珠。 記得鼻翼同鼻頭都唔好放過呀,睇相就知,右圖我只係潔淨左一邊既鼻翼,真係少左好多黑頭呀~ 最後係下巴,我會放多少少時間係按鼻同下巴位,因為個人覺得呢2個位特別多黑頭白頭,而呢2個位置係用手點按都無法清除到。而用前(中圖),用後(右圖),分別都真係好明顯,未用前既肌膚毛孔效為粗大,而用後馬上變得細緻,自己摸落去都感覺到肌膚係柔滑一D。 大家亦唔需要擔心話要洗幾耐先為之完成呀~LumiSpa 係全自動化,整個潔面煥膚過程係2分鐘,2分鐘後,部機會自動熄左,而中途亦會每30秒停一下,提提你要move去下一個位置進行清潔,個人覺得佢個導頭係非常舒服,我自己做完都會有一種依依不捨既感覺,所以都真心推介俾大家,希望大家同我一樣,都可以2分鐘打造完美肌膚。 以上產品由品牌提供試用