賜我大自然花療力量@Kiehl’s 金盞花蘆薈鎮靜保濕凍膜

瀏覽人數: 111
講到鎮靜保濕,我除左諗到水楊酸之外,另一樣就一定係Kiehl’s 金盞花,我諗好多人都知Kiehl’s最出名就係佢既金盞花系列,但你地又知唔知金盞花係有咩功效架呢?金盞花其實即係菊花,佢係係萬壽菊花中萃取出佢既油分,而金盞花性質溫和,適用於各種油性膚質,包括敏感肌膚。對於脆弱敏感膚質具舒緩功效,而金盞花亦可以食用,所以用佢黎做護膚品絕對係放心同安全~而今次試用既就係金盞花既系列喇~

第一樣首先好緊要既係潔面,唔潔面又點可以做其他步驟呢,但我自己覺得,普通潔面產品洗完係好乾,無好乾淨呀塊面,但就連底層既水份都洗走埋,而金盞花深層潔面泡沫,佢不含酒精成份,可以有助暗瘡疤痕癒合,而且豐富幼細既泡沫可以徹底清除面部多餘油脂同污垢。有助保護肌膚既天然保護屏障。
 

我之前都聽人講過好起泡既產品係含好多起泡劑,而且會令皮膚更乾,而單睇金盞花深層潔面泡沫就知佢係保濕為先啦~唧少少出黎,佢係gel狀既,而且起泡唔會話好好好多,但for洗面真係好溫和,最重要係洗完都仲FEEL到塊面係水潤而又乾淨。
   

之後就當然要拍返少少爽膚水啦~Kiehls金盞花植物精華爽膚水,其實真係唔使我介紹,大家都識佢啦~佢不含酒精成份亦都係有助暗瘡疤痕癒合,具收斂效果既爽膚水,成份完全萃取自金盞花同其他天然植物精華,可清潔、均衡、活化、調理肌膚,並且有助改善輕微既肌膚敏感現象,亦適合男士係刮鬍後使用架~
   

而我個人呢,除左當佢爽膚水用,亦都會敷下D瘡仔同印位,令佢地快d消失。而基本使用既話,
皮膚上既泛紅位亦都真係會即時舒緩左~
 

最後壓軸出場既新品就係呢個–金盞花蘆薈鎮靜保濕凍膜,佢絕對可以話係大自然花療既力量,只需5分鐘,就可以做到鎮靜、保濕、冰涼啫喱配方,温和清爽,肌膚瞬間感覺清新。持續使用更有效修復肌膚,解決暗啞疲倦同肌膚缺水等問題,肌膚重拾健康光澤。所有膚質適用,包括敏感肌膚。
每週護理 : 潔面後均勻塗抹一層面膜,等候5-10分鐘後以清水洗淨。建議每週使用2-3次。
妝前急救 : 化妝前於乾燥肌膚敷5分,即時補水,令妝容全日更貼服。
曬後紓緩 : 日曬後使用可加速修護、補水及紓緩,改善乾燥泛紅。
 

其實我開頭以為佢只係一個普通洗水mask,點知,一敷無耐就好有感覺,第一次敷有少許"刺痛",因為皮膚好乾,feel到好似有一盆水要bump入塊面一樣。之後隔左一日再敷,就已經無“刺痛"感,明顯係因為我塊面水分充足,而且敷完之後,真係好水潤,好明艷照人,所以呢5分鐘真係絕對唔好慳。
   

敷完後我塊面真係變我好白淨同好柔滑。我真心覺我呢一件產品係真係值得任何一位sis去試。試過後你一定會鐘意!

好喇我既分享就到呢度,希望大家鐘意啦~

以上產品由品牌提供試用。
#KiehlsHK #peacelovecalendula #5minsoothing

This entry was posted in 護膚. Bookmark the permalink.