我真係想講,而家呢個天氣我真係好好好憎,又笠、又濕、有時又下雨、有時又曬到死,講問有無d又可以唔笠、又美白但又要強效持久保濕既產品呢? 啊~~~呢個時候Kiehl's醫學維C系列出現係我面前,咁當然有好野就要同大家分享啦~LET'S Go! 首先要介紹呢個PAPER MASK俾大家,我本人真係唔易試paper mask,因為唔係普普通通既MASK我會試,我個人對paper mask都真係有d要求,而醫學維C淨白保濕面膜就真係岩晒我既要求喇~佢含強效淨白配方–活性維他命C,可以淡化色斑同改善膚色不均問題,提升肌膚整體剔透度,可以即時同持續改善明亮度同飽滿感。 佢既面膜紙屬厚身,我個人覺得非常貼面,而且佢承載既精華亦都多d,即使代內仲有好多,我都會倒返去面膜度用。make sure 100%美白都係我面上,當然要留少少黎搽頸啦~ 我覺得佢最抵錫係有個眼位包埋,而且因為面膜多個剪裁位,所以可以包到好貼,而我自己亦都會將佢餘下係面上既精華打圈按犘,加以吸收,撕下面膜後,首先我唔覺我會有一堆未吸收既精華係我面上,而且敷完之後(右圖),真係整體皮膚亮白左好多(連我既泛紅位置都無晒),皮膚係醒神左好多~ P.S: 左圖係未敷之前既皮膚狀況 但大家都知,敷完面膜都唔係等於有免死金牌一樣,可以之後咩都唔搽,登登登,主角來了,單單只係美白,唔得,要有埋補濕架嘛,所以為大家介紹全新既---醫學維C亮白透滑水嫩啫喱,佢可以幫助軟化肌膚表面,令肌膚更能吸收淨白成分同時亦都為皮膚24小時日夜不息既保濕功效,做到平滑.保濕.提亮三合一既修護。 我個人對於啫喱既產品係非常感興趣,佢既質感係令我一搽愛上,按完之後唔會覺得有層野COAT左係皮膚上,反面係吸收晒,我試過搽完再馬上化妝都唔會起擦膠碎架!!!!! 只要早晚薄薄搽一層,就可以有源源不絕既水分為肌膚提供架喇~晚上搽完,早上真係唔覺得皮膚乾,亦都唔會見到面上泛油情況好勁,我個人覺我晚上我會稍為搽厚多少少,話晒都訓成8-9小時,點都要俾多少少"貨"皮膚晚上吸收既,而且美白工作向來都係晚間發揮得最好架啦~~~~ 嗱,無花無假,搽完不到30秒內影既,真係唔會覺得我搽過野,但你會發現我既皮膚係好飽滿同有光澤,且仲好柔滑tim呀~呢d就係Kiehl's醫學維C既感力喇~ 好喇,我既分享就到呢度,希望大家鐘意啦~ 以上產品由品牌提供試用