由於清邁有好多奇山怪石,地理環境好適合玩rock climbing。加上清邁當地的rock climbing association 係出名專業,網上評價極佳! 所以我同我男人決定去玩一日Rock Climbing! 人妻係從未玩過rock climbing的。尼泊爾老公問我怕唔怕會好辛苦。 原文 : “ I grown up at a jungle in Nepal, of course it’s easy for me. But you are an ultimate city girl…” 咩意思? City girl 就唔可以攀山越嶺? 我就爬比你睇!仲要爬得快過你! 我地join左一個 one day course--Rock Climbing for beginner 一日入面體驗曬rock climbing同caving兩種刺激玩意! 我地要征服的山叫做CRAZY HORSE BUTTRESS 外形的確成個馬頭咁! 點擊圖片放大 先要行半個鐘山去尋找峭壁!! 開始攀石前,著好曬所有GEAR,包括頭盔,安全帶 教練好用心教我地安全守則 點樣著harness (安全帶),點樣打繩結。 重新做一次SAFETY CHECK一次就可以開始啦! 玩Rock climbing,全靠指力去支撐整個人。所以輕身的人有著數。另外要學識腳踏邊舊石,令身體容易借力! 不知不覺就爬左十幾米啦! CRAZY HORSE呢座山好適合BEGINNER玩。有好多石隙可以抓住,亦有好多踩位。 我的尼泊爾男人都不甘示弱,要追上上面的CLIMBER啦!!! 人在高處,影唔到相。 呢張相係從ROCK CLIMB ASSO 個網頁到偷來的。 但唔係講笑,當你爬到最頂,回頭一望, 真係可以有相中咁靚! 怕高?怕跌死?唔驚!! 唔怕。因為全程你都有個partner 在下面拉實你。 其實玩Rock,Partner之間的溝通好重要。 當你開始爬,要比signal: I’m climbing! 對方就會應你: climb on! 你甩手要跌時,要大叫: tension! 下面就要來反應,拉實你同大叫: I got you! 無錯!我甩左好多次手,但我的男人永遠在下面拉實我,無有怕! 咁番落黎點算? 就係放鬆個人,保持雙腳平衡,慢慢彈下彈下落黎 呢個過程叫做Abseiling。 記住要慢慢彈落黎,唔好心急 一失去平衡,就成個人撞牆 一開頭唔習慣人妻都撞左兩下!所以記得唔好急,慢慢來!!! 我的尼泊爾男人上山落山都係渾灑自如 仲識望鏡頭擺POST。FINE!你贏! 我地一共爬左6個山!! 從第一個15米的山,爬到最尾40米。 當開始了解到踩位同平衡力的要決,就開始變成馬騮,爬到上曬癮! 愈玩愈有成功感!! 玩完向上爬,就掉番轉玩向下降落! 用遊繩下降的方法深入洞穴!! 工作人員先落去SET好繩陣。 睇到個洞穴咁深咁黑真係又恐怖又刺激!!!!! 我要降落啦!!! 體力要求,係零。 只需保拎身體的BALANCE,等個人可以慢慢降落。 一開始降落時會有少少緊張,個人會左搖右擺 但一分鐘左右就會控制到。 變到成個蜘蛛俠咁型!!! 好野!!!成功著陸! 原來不知不覺就下降左30幾米!!! 探索完洞穴,係時候搵個窿爬番出地面! 玩完一日雖然冇曬力,但刺激程度同滿滿的成功感,真係咩都抵番曬! 當你靠雙手攀到最高峰時,真係好想大叫" I'm the king of the world"!!!!! 想玩? 可以去CMRCA的網站搵適合自己的COURSE http://www.thailandclimbing.com/ 有一日COURSE,或者3日,一個星期都有! 同我地同行的係兩位身型瘦削,樣子甜美的日本女仔 佢地JOIN左3日COURSE。天天來ROCK CLIMB! 我爬一日都累得要死....真係好佩服佢地! 出發到郊外前,要先去到清邁市內的BASE集合。認識一下同伴,拎曬GEAR先撘車出發! BASE入面仲有呢個睇起黎都覺得可怕的人工攀石場 天啊.....點爬..... ONE DAY COURSE會提供埋飯盒。 仲有無限野飲提供! 爬到冇力就可以補給一下!! 玩ROCK CLIMBING/ CAVING TIPS: 1) 前一晚一定要有充足睡眠!體力勞動極大! 2) INTRO TO ROCK CLIMBING呢個COURSE包曬ROCK CLIMB同CAVING, 係BEGINNER同 ONE DAY COURSE的首選! 大約$1000港紙玩全日9AM至6PM。包LUNCH! 3) 教練們都好FLEXIBLE好NICE,冇話一定要迫你完成幾多個山,幾多個CAVE。盡自己所能玩都幾多就幾多,唔洗勉強自己啊! (我同行其中一個日本女仔爬左3個山就投降了哈哈) 4) 記住著長褲。人妻相中的衣著係錯誤示範,玩完一日成隻小腿變得慘不忍睹.....上身著背心TEE SHIRT冇問題,但未玩過的朋友仔,碰撞一定少不免。 5) 做全日戶外活動,重點防曬是常識吧! 6) 之後一日的行程,最好RELAX D,安排全日做SPA直頭係首選! 雖然香港都有大把攀岩地點,獅子山,西貢,石澳,BLABLABLA 但對於零經驗,想試玩的初學者,真係冇咩選擇 而且我偏心泰國人 總覺得佢地特別友善,有耐性 教練同成隊team都好細心,好cheerful! 佢地有一腔熱誠,去宣揚rock climbing呢項運動。 自認運動細胞差,但教練們完全唔介意。仲估勵我地番香港要繼續CLIMB ON! 所以玩左一日,就完全被感染,爬到欲罷不能! 全日一共爬上6個山,下降一個洞穴 全部成功! 好招積咁同我的尼泊爾男人講 CITY GAL CAN CLIMB!