尼泊爾被National Geographic Traveler 選為2016推薦旅遊點。 要潮玩尼泊爾,可以去睇名勝,玩激流,跳滑翔傘,笨豬跳,森林探險,Yoga Retreat.... Trekking(即係行山/徒步),係尼泊爾最熱門的活動。來到喜瑪拉雅山山脈國家,當然要踏足一下呢何全球最高的山脈! 地震已經相隔一年了,現時當地非常安全,重建亦進展不錯。趁著旅遊業仍未完全復甦,快快去享受,唔洗同成班旅客迫爆。 最近完成左尼泊爾十日行山之旅,一睹喜瑪拉雅山山脈的氣勢,感受一下山上靈氣。朋友一聽到行山行十日,覺得好變態,好HARDCORE。 十日,的確很很辛苦。但係咪要行山健將先可以挑戰?咁又唔係:) 只要平時唔係零運動量,有行下香港的麥理浩徑/鳳凰徑已經可以挑戰。 尼泊爾有極多行山路線,有辣有唔辣。最簡單的路線只需四天,最高點3200米。想挑戰自己當然朝最高的珠穆朗瑪峰大本營Everest Base Camp 邁進。 人妻體能都好差,運動細包欠奉。尼泊爾老公來到香港以後已好少行山。我地只係心口掛住個勇字,就出發鳥... 當然,經驗不足者強烈建議要請導遊挑夫,裝備要充足。完全冇準備上山,係非常危險,最終淪為不行鳥… 我們選擇了中低級難道的路線。Poon Hill – Annapurna Base Camp Trek 最高點Base Camp 4200米。到達Base Camp 後會被連綿雪山包圍! 出發前,你要知道行山/徒步旅程(Trekking) 係充滿快樂 與痛苦 。 痛苦--山上小屋簡陋,被鋪不足,冇熱水沖涼,每晚震騰騰臭賓賓。 快樂-- 每朝起身,從房間抬起頭,窗外的雪山景會令你熱血沸騰。 點擊圖片放大 痛苦--山上食來食去都係幾款餸。芥菜,扁豆,薯仔,飯。 快樂-- 食材保証一級新鮮。真係即刻order即刻去農田摘菜比你。 麵包用山上的小麥即做,香軟到不得了。 痛苦--每日面對無窮無盡的上斜落斜。 當你問路時,人地指住對面山遙遠的村莊話你知,果個就係你的目的地。 Are you kidding me? 你會心中講一百次粗口,低下頭繼續上路… 快樂-- 慢慢長路上,每段路都有精彩的景致。 你冇眼花,係櫻花,SAKURA。但呢到係尼泊爾喎﹗﹖ 仲有無限的花花草草牛牛羊羊:) 快樂-- 雪山,冰川,河流流。總會出奇不意出現在你眼前。 快樂-- 可以在環山擁抱下打下千秋。 快樂-- 滿地Tree Gun 任你踩 痛苦--凌晨四點幾出發,捱冷捱眼訓爬上山頂睇日出,等待時凍到結冰。 快樂-- 睇住270度雪山金黃色日出,真係會開心到跳起 痛苦--天氣唔好時,能見度低到置身silent hill的感覺。 快樂-- 天氣好起黎,真係好想擁抱藍天。 痛苦--你會行到周身傷曬。膝頭膊頭勞損。 快樂-- 完成旅程後,可以到山腳的天然溫泉,浸浸消除皮勞。極爽。 痛苦--山路不時有危險…每次過吊橋,都膽戰心驚。 有D路段好濕滑。好易PK。 快樂-- 旅途上遇到很好的行山伙伴,互相扶持,又可以聽聽不同人的故事。 睇完以上警告後都不怕死想挑戰一下自己,親親喜馬拉亞山脈,就去馬吧﹗ 這種經歷,的確是一生難忘。 旅途中,大自然令你得到靈感與啟發。 下一篇會介紹行山路線同上山前準備。Stay tuned...