韓牛 한우 hanu - 韓國本土牛肉,在韓國飲食文化中有很重要的地位, 是在節假日饋贈親朋的禮品,而韓國人一般在過節時才會吃韓牛,地位非常高啊~! 到韓國旅遊當然要一試韓牛究竟有幾咁高級,幾咁好味啦!(。´∀`)ノ 不過高級野當然就係貴啦╮(╯▽╰)╭ 咁點先可以又唔貴又食到新鮮美味的正宗烤韓牛呢? 就係去鄰近首爾地鐵5號線馬場站(541)的馬場洞畜產品市場旁的烤肉街! 來這裡吃韓牛大概就是市中心餐廳的三份二價錢,甚至二份一價錢,甚至更抵啊 !!! C/P值幾咁高!(≧▽≦)y 所以必定要推介給大家到韓國唔使大出血都能品嘗這必吃的美食 —【韓牛】!( ̄▽ ̄)~♥ * - * - * - * - * - * - * - * - * - * - * - * - * - * CaCamazing Travel 【Facbook 慶祝抽獎活動】 送出 LINE Friends 熊大 莎莉 T-money交通儲值卡! 10月20日截止 ▶▶▶ facebook.com/cacamazing * - * - * - * - * - * - * - * - * - * - * - * - * - * 卡卡當日編排行程先到仁寺洞逛街,這樣就可以在紫色的5號線鍾路三街站(534)直達馬場站(541), 只需7個站 約12分鐘,唔使轉車好快到!好方便! 大家也不仿抄考抄考呢個編排啦!我自己好滿意!= ̄ω ̄= (哈哈~) 去到馬場站在2號出口上來 沿著路線 1 或 2 都可到,時間差不多~ 我行的是路線 1,油站路口左轉直行,這路線可以穿過市場參觀 再到烤肉一條街,內有十幾家烤肉店家! (即是地圖顯示的「馬場洞"小吃"街」.. 但這裡一點都不小吃 (= 0 =") ) 而回程我就行另一條路,無咩特別,只係想行下唔同路睇唔同風景(雖然住宅區沒什麼好看)~ 路線 1 周邊環境如下,油站路口入,跟著箭頭走~ 點擊圖片放大 跟住就會到達市場的南門,入去就係畜產品市場。 一路直行會見到好多肉檔賣韓牛,如果買返去自己煮其實價錢好抵! 見呀珠媽都在這家買,唔知係咪特別好呢? 繼續直直直走~ 會經過d檔口望到入面既屠房,好似電影場境! 我下午時間黎人都唔多個,有點陰森既感覺~。。。(~ ̄▽ ̄)~ 不過整個市場都整理得好乾淨,地面都是乾的不會怕滑倒。 好多好多不同部位的都有得買!牛肉、牛骨、牛肝、牛舌、牛胃、牛腸、牛腦... 連成個豬頭都有得買。 豬頭我就不放相上來喇,生肉相片都不放太大張,怕有人會怕血腥。如果特別怕既人就建議行路線 2! 一出市場望向左手邊就會見到烤肉一條街,由地鐵站出口行來大約預15mins~ 經過頭上呢個牌入去條巷就是烤肉街喇! 全部都是食肆 這個就是「龍門家」的正門,是老闆娘婆婆的樣子做生招牌!它就是卡卡要來吃韓牛的烤肉店~ 而另一邊在柳樹下也可以上數級樓梯進入座地區,而正門入就靠近座椅區。 我地第一次去唔知道呢個佈局,由樓梯上去除左鞋,人在座地區但老公不習慣坐地板,我地又拎返對鞋著返去坐櫈~ 所以無論想坐邊都建議你由正門入,望一望再揀,唔好好似我地咁傻仔~ ̄▽ ̄" (汗) 一入到去見到龍門家事頭婆 - 簡稱「龍婆」在喪切好多牛肉,親力親為!應該是在準備晚市~ 好可愛的龍婆還舉起 V 字手勢,說:「kamchi~」俾我影相,果然是生招牌啊!v(⌒▽⌒) 龍門家入面就是這樣,五枱座椅區,後面其他的都是座地區。 非午晚市的時候來不用等位不用迫人,正~! 牆上掛著紅綠色的就是餐牌,左邊紅色的是韓牛,右邊綠色的是本地肉牛, 兩者都是韓國本土出產的,但韓牛就會比肉牛高級,所以價錢也會較高!來這裡就當然要吃韓牛啦~~~ 韓文餐牌唔識睇唔緊要,因為呢度有識講中文的呀珠媽! 而且遊客來這裡大多會點最吸引的拼盤組合,共有四、五個部位,每樣都吃得到! 每 100g w12,000,點 700g 會優惠一點 w80,000。 700g 雖然抵D但也蠻多的,我們二人點了500g,吃完飽飽~ 話咁快呀珠媽把前菜 配菜放滿桌上~ 這個是龍門家必定會有的前菜 - 生肝 & 生肚, 雖然想試試,但因為我倆都是腸胃敏感的人,為免影響之後的行程,生內臟還是不敢掂了~ 不過生肉就敢吃!小菜 - 生拌牛肉,配清甜的梨、麻油和細蔥,真係好好味! 生牛肉好柔滑軟嫩,跟甜甜的梨拌著吃,這組合的確配合得天衣無縫! 而且兩位腸胃敏感者表示食後完全無肚痛!ヽ(^▽^)ノ哈哈~ 我們的韓牛到了,新鮮的鮮紅色,急不及待要烤了~!!! ≧ω≦ 這裡就是500g的份量,如果肚餓或者大食既朋友,兩位可以點500g, 如果唔係好餓或者細食既女仔,兩位就點400g啦~ 大概給大家作個參考~ 純粹估下,因為不懂韓文只是估計,各部位分別是:胸肉、排骨肉、隔膜肉、裏脊肉和板腱肉  ̄▽ ̄ er.......... 唔理嚕!開餐! 首先呀珠媽會舖上錫紙俾我地先烤肥牛,油脂超香超美味!!!!!!! 揭開烤韓牛的序幕~~~ 拿開錫紙後就可以烤其他部位喇!肉是自己烤,呀珠媽會不時幫我地換隔網,唔會黐底~ 旁邊放上菇和蒜一起烤,菜包肉配上,一流! 食食下呀珠媽還送我們大醬湯 和 Cola!감사합니다 襟沙咪打~!!! 嘩~嘩~嘩~!!!!!!!!! 好美味的烤韓牛啊!!!!!!!!!!!!! 寫美食推薦文有時都幾辛苦 ㄟ(≧◇≦) 好想伸隻手入螢幕希望可以拎舊出黎食!!!!!! (痴) 韓牛肉好有彈性,放入口肉質紋路好清晰,比以往食開既牛肉多了一份香味,的而且確是韓牛獨有的味道! 輕烤,不用全熟~ 尤其脂肪較少的部份內生外熟最好吃! 吃過原味後就要吃我最愛的菜包肉! 成檯都係配菜醬汁,你鐘意包咩就包咩啦~尋找自己喜歡的口味! 大理石紋路的韓牛肉,超多肉汁!入口即化!!真係無得頂!!!!!! ≧ω≦♥♥♥ 回程路,這邊就是外圍路線2的風景 即使普通的街道,配上黃昏日落一樣變成美景! 【溫馨提示】 1) 自行按人數和胃口點份量,即使呀珠媽叫你點多D話你食得晒,你都可以擇選堅持, 以免浪費食物浪費金錢嘛~ 寧願唔夠食先加碼! 2) 外套手袋放在餐廳提供的大膠袋中,咁就唔怕薰到咩都有烤肉味。有需要可以著上圍裙,因為真係會彈! 3) 一條街行到尾左手邊有公共洗手間!最重要的是非常乾淨!對女生來說很重要啊! 好美味!即使吃飽了但仍有想再吃下去的感覺~!此美食真的令人回味啊! 二人吃了 500g韓牛 w60,000 (約HK$420) + 桌上所有小菜配菜都不另收費, 每人HK$210 就可以食到新鮮的高級美食 - 韓牛! 如果4人吃w80,000 700g的拼盤,即是每人只需約HK$140!呢個價食韓牛真係抵到呢~ 價錢合理!良好品質!距離市中心又近,來這裡很方便! 所以想吃韓牛的,我也推薦你來C/P值高的馬場洞龍門家!(✿✪▽✪。)ノ 講起韓牛,其實卡卡第一次食韓牛是在韓國西餐廳內吃韓牛西冷扒! 是無意中食到的!極度令人回味!!!真係超.好.味~~~!下次再與大家分享! ______________________________________________________________ 龍門家 용문집 電話:02-2292-2218 地址:首爾特別市城東區馬場洞803 서울 성동구 마장동 803-0 營業時間:1100 - 翌日0200 (無休日) ______________________________________________________________ more travel articles ▼▼▼ ※ [首爾美食] 韓國必吃!烤韓牛鮮嫩美味!馬場洞畜產品市場 – 龍門家 (附路線地圖) ※ [韓國自由行] 纛島漢江公園 雪橇場 玩樂記!超好玩!首爾市區就有得玩!(附路線地圖+影片) ※ [韓國自由行規劃懶人包] 2014 卡卡十級推介好用工具!編排行程容易上手! ※ [首爾旅遊] 推薦必到CAFE!超可愛羊咩咩特色咖啡店.弘大THANKS NATURE CAFE ( 附路線地圖 ) ※ [韓國旅遊] 重要消息*好用南韓中文地圖手機版面世!卡卡大推薦! ※ [首爾美食] 回頭率100% 深深被吸引的弘大 CHOCOLATYUM 手工巧克力甜點店 (附路線地圖) ※ [首爾旅遊] 包餵飽相機之靚到喊【晨靜樹木園】@韓國京畿道 ( 附交通資訊+地圖 ) ※ [首爾旅遊] 喪抵玩!開心韓服體驗.南山谷韓屋村 ( 附路線地圖 + 韓屋村平面圖 ) ※ [首爾美食] *不推不是人系列之識食一定食呢隻!!!【孔陵一隻雞】 (附MENU + 地圖) * - * - * - * - * - * - * - * - * - * - * - * - * - * CaCamazing Travel 【Facbook 慶祝抽獎活動】 送出 LINE Friends 熊大 莎莉 T-money交通儲值卡! 10月20日截止 ▶▶▶ facebook.com/cacamazing * - * - * - * - * - * - * - * - * - * - * - * - * - * 機票優惠、酒店優惠、吃喝玩樂旅遊資訊 ▼▼▼ 不時更新 update『 F A C E B O O K 』 覺個好請來給我讚好 ~( ≧ ω ≦ )/~♥ 小師奶卡卡奇遇旅圖 CACAmazing Travel