在達拉灣這個小島上沒有酒吧和夜場,不過有個非常特別的夜間活動就係去沙灘尋找海龜! 到步第一晚,我哋食完晚餐後就行去沙灘碰碰運氣。由住宿既Resort房行去沙灘只需要幾分鐘,根本就係隔離。果時大概九點左右,問左resort的工作人員,佢哋好輕渺淡寫咁話週不時都會有海龜夜晚爬上海灘生蛋。而民宿老闆甚至話可以返房等,因為係沙灘有看守員。凡有海龜爬上岸時佢哋可以通知酒店叫遊客去沙灘,不用在漆黑不見五指既沙灘周圍照。 不過我哋都係決定撞撞運氣,才走了幾分鐘。見到前方有電筒光束和有數個人圍住,咩原來真係咁容易見到!走近就見到一隻長過一米既黑色大海龜趴在一個圓形的沙坑裡面。之前係其他地方在浮潛或潛水時都見過這種美麗動物,在沙灘上見到海龜產卵真係第一次,之前只有係電視機裡見過,親眼見到這種景象真係非常興奮。 海龜在沙坑裡用有力既四肢將沙撥出外圍。肥大的的身軀令海龜在陸地上顯得有點遲鈍和吃力。在近距離望住佢對眼真係好難忘,感到大自然真係好奇妙。 點擊圖片放大 不過當然,這個夜間活動其實係頗付爭議性。相信好多環保份子係非常唔贊成咁近距離去睇海龜產卵。之前去日本沖繩的慶良諸島,有幾個島嶼係唔比任何人上岸就係因為果D島係比海龜產卵既無人島。上網睇返資料香港每年原來都會有海龜上沙灘產卵既紀錄,當然數量好少,而漁農處會有職員監察住,但唔會公開預測時間和地點防止有遊人前往打擾。 咁係印尼哩個地方有哩種吸引遊客既活動活動係咪完全錯哩? 印尼唔算一個先進國家,但因為地理環境,有好多稀有和珍貴既動物長久以來一直生活在這個群島國家上。好似這個小島達拉灣,這裡並不是因為有海龜而開發成一個旅遊島嶼而有人居住。當地人和這些海龜已經共處了好長時間,甚至以前海龜蛋和海龜BB係當地人既平常食物(OMG難以想像)。近年當地政府在保育方面已經有所進步,當然未係完善,有海灘看守員係其中一個例子! 我哋有幸和其中一位看守員傾左幾句,佢哋都係果個地方土生土長,都非常明白這種動物既珍貴性,佢同我哋講係哩個小島周邊大約生活這1000隻海龜,而一年365日每一晚都會海龜上岸產卵。在五至九月更是高峰期,每晚可能多達十數隻海龜媽媽會爬上岸生蛋。而看守員職責就係防止遊客使用電筒在漆黑既沙灘影響準備上岸或上左岸還未挖坑既海龜媽媽。看守員會先細心聆聽聲音,知道有海龜上岸後會叫遊客們關電筒等待,到開始產卵時先會開燈比遊客觀賞。而待海龜生完蛋後會另外有人即時將蛋挖出並送去其他地方,唔使覺得驚訝,因為香港都係咁做!如果唔挖出來有機會會成為當地蜥蜴(印尼既蜥蜴,you know個size好恐怖,想知幾大隻可以睇多D國家地理雜誌頻道)和老鼠既食物,而且當第二隻海龜上岸都有機會挖掘同樣地方而令龜蛋受到傷害。所以將海龜帶走都係希望確保能夠安全孵化。有幸其中一次可以見到這些蛋的真身,海龜每次產卵大約會生100隻蛋左右,能夠孵化成為海龜BB既數量大約十分一。而能夠長大成年既數量接近萬份一。所以保護這些龜蛋非常重要! 當然啦,這種偏遠地方尚有許多不足可以改善地方。比如在控制遊客既舉動方面可以做好些少。觀賞時看守員會用強力電筒照住個龜背,如果係海龜前方照住會對海龜雙眼造成傷害。但大部分遊客們並不會注意哩一點。這個偏遠海島遊客主要大多來自印尼本土其他城市,見到佢哋個個都會摸住龜背,另外隻手就豎起大拇指,然後閃起非常耀眼既閃光燈!見到覺得心痛,要知道對住任何動物,包括常見的貓狗寵物等,都要避免用閃光燈。因為會對動物眼睛造成傷害,更何況這種習慣黑暗的野生動物。哩樣野真係需要監管和避免! 但是否應該完全監管和禁止遊客觀賞和接近哩種美麗的野生海洋動物?下次再詳談! To be continue..