韓國唔係出名大男人???? 往往韓餐既樓面服侍客人既小事務都會交由「阿豬媽」打理 今次~~~竟然有OPPA~~超溫柔的OPPA~~~慢版主理醬油蝦 醬油蝦、蟹食得多....但從未試過有人服侍 今次真係第一次 好Bling Bling既蝦呀~~~真係望落都吸引!!!!!! 好在~~~~隔離有一枱被oppa服侍中~~~如果唔係...到齊後~第一時間已傻更更即食 既然眼看手勿動咁就影下相先啦~~~~(但其實我地超趕時間!!!!) 都唔明點解2隻為食鬼只有30-45mins既時間 講明只食fastfood都被吸左入黎食d需時既東東 oppa放埋架生出黎準備動工了~~~ 碌大對眼望望d蝦~~~~其實oppa已細心地起晒殼喇 再將部份既醬油先倒落碗飯到 之後就將d蝦碎上~~~~ 再放埋落碗飯到 之後就撈撈撈了~~~~ 整個過程oppa都係慢慢~~~慢~~~慢~~~~慢慢慢~~~~黎整 真係....有d比佢調節到我地傾計都慢左 厲害~~~去殼去到連蝦尾肉都有埋 閃令令既蝦肉好吸引呀~~~~~~~~~~~~~~ 紫菜+泡菜+酸蘿蔔+飯+蝦~~~~原來咁夾嫁播!!!! 片蘿蔔有好大功勞呀~~~~ 另外再叫左個拉麵年糕~~~ 唔係平時食開既一味死辣味~~~個年糕仲煙un添 點擊圖片放大 +4 ********************************************************** Foodbox 2人份, 埋單$ 306, 唔收加一 人均$ 153, 好抵食呀 平時叫蝦都唔止啦 仲要係有8隻咁多 仲服侍埋~~睇表演都要比錢啦 地方唔大, 全部都係一大張過既共用枱 簡稱即係點都要搭枱 行簡約路線所以都幾韓feel既