自從5月之後都無更新個blog,除左忙到不得了,最大原因係我病左個幾2個月,本身懶醒咁唔肯睇醫生,結果感冒菌入腸,瘦左幾磅咋…病左成個幾2個月架大佬,瘦咁小XDD 今次就講下我6月頭同好姊妹扔低另一半去左曼谷3日2日...依家先有時間記錄返啦。 由於之前知道自己將會去旅行,所以我上次去Lumiere 做完個1064nm 激光淨白袪斑療程之後係無再做任何野,唔曬得嘛,我好聽顧問話,唔會搵自己個人黎博命…當然絕對唔會做激光脫毛啦,同樣係前後2星期禁止架,結果返到黎又忙又病,搞到依家都未得閒再去脫T-T 好啦,講返行程既目的先,就係2個拍下拖、散下心同亂咁食,所以都無話特別去左邊。不過我其實好少去曼谷,所以都有好多地方未去過既。今次買左香港航空既機票再自己訂酒店,,事後俾我發現更多既平機票...算啦,買左唔好諗啦(唯有咁樣安慰自己)。其實有坐開既都知,去到機場可以自助CHECK IN,可惜我係選擇左特別餐,係必須要排個條長長既隊(想喊咁滯,邊知道佢條隊咁長),不過我地預鬆左時間,所以時間岩岩好食唔到早餐上飛機XDD 話咁快,幾粒鐘就到左曼谷,我上網參考晒資料,由機場坐機鐵去酒店只係半個鐘,車票只係40Bath一個人,放心買飛既時候會有英語顯示,我地仲dl 左 maps.me 可離線睇當地地圖(記得先係有wifi 或數據既時候 dl定需要既地圖先得架)落地行過去酒店大概要3個字到啦,沿途見到牛米(其實想食魚蛋米)即係入去食返碗先。價錢就唔會記得架啦,你知咁平係唔會記得架hahaha 食完再行多陣,就去到我地既酒店啦:The Berkeley Hotel Pratunam。3日2夜每人只係五舊港紙,對面就係出名既水門雞飯,而係樓下一到夜晚就有好多檔仔開到成條街都係(唔知係咪星期五、六既關係先有呢),突然間覺得自己好醒XDD 當然放低行李,抖抖就去Big C補給下啦,就係酒店附近有一間,而佢既對面就係Central World,先行Central World,wow 不得了,入夜時間超多小食檔就係出面(日頭唔知呀),實在好岩我地呢次黎既目的。嘩哈哈,全部地道小食都唔知食咩先好,睇相吧啦。經過一輪作戰已經飽到不得了,決定去Big C買野先,買完俾我發現街邊榴槤檔,咁幾飽都要試下味架,結果我買左坐係街邊食,因為好姊妹已經彈到九丈遠... 放低晒D野,就去飲杯酒吹下水啦。已經唔記得呢幢酒店叫咩名,行過去大概5分鐘,最頂層係酒吧,再上有個360自轉天台,可以睇晒成個曼谷夜市,都幾唔錯。 點擊圖片放大 +6 Day 2-早餐要去食出名既水門雞飯啦,由於我地話唔要皮,佢俾晒D雞胸我地T_T 好在個苦瓜湯keep住咁正。返上酒店泳池游下水曬下太陽就出發去水上市場,我地都係第一次去。首先行返去坐一個站機鐵再轉空中鐵路坐個站,係落車要花少少時間搵van仔再坐2個幾鐘(連塞車)就到達目的地:安帕瓦水上市場。 其實就係買d紀念品同食物,夜晚再揼埋骨,第朝就返黎HK啦。 點擊圖片放大 +8 自己的旅行有自己的方式,何須跟足書上和旅人所說的?不論什麼,適合自己就可以了。 期待下次旅行:D