有時想同三兩個朋友坐低傾吓計,一間坐得舒適又有情調嘅餐廳絕對係first choice。 位於尖沙咀同佐敦交界嘅呢間餐廳唔易搵,之所以會搵到佢係因為佢位於西貢嘅分店實在太chill了。 點擊圖片放大 餐廳以「果醬」為主題,店面唔算起眼,但門外放滿盆栽同果醬,有陣陣「文青」嘅感覺。餐廳裝修亦相當用心,裝修以木為主,一面有鋪滿草嘅牆,令一面則有「JAM」掛飾,是店內打卡位。 餐廳有套餐供應,亦可單點,多款菜式亦以果醬作為醬汁,幾特別。 Nuts跟友人這次點了一份慢煮極黑毛豬扒配肉桂蘋果汁套餐 ($229),配沙津、餐湯、及甜品,另以半價點了特調果醬紅茶,及單點了意色青醬雞肉意粉($89) 。 特調果醬紅茶for two 可以自選果醬,我們選了「丁香香橙」。茶及果醬會分開上,可隨個人喜好調配。 頭幾啖還好,係橙茶的味道,但愈飲就愈苦,唔知係調配嘅比例出左事,但茶本身苦澀味重。總之不建議點這個XD 慢煮極黑毛豬扒配肉桂蘋果汁 超驚喜!!!! 黑毛豬扒竟然煮到咁滑嫩,一啲都唔鞋口。而且配上肉桂蘋果汁好MATCH,可以減低油膩嘅感覺,忍唔住一口接一口咁食! 意色青醬雞肉意粉($89) Nuts本身都係青醬fans,呢度嘅青醬意粉比較乾身但都好香。意粉上配有燒雞肉,雞皮香脆之餘雞肉都算有juice唔會好鞋口同乾掙掙咁。 餐廳嘅「果醬」甜品亦係一大賣點 雖然本身跟餐有甜品(蛋糕),但一場黎到就想試下「果醬」甜品,於是加錢轉食waffle。 果醬雪糕窩夫餅 (HALF $59) 果醬同樣係自選,今次就揀咗「蛋黃菠蘿醬」。 提早一日request,餐廳仲可以為你喺甜品上寫朱古力字,慶祝生日就啱晒~ 雪糕窩夫不過不失,配上蛋黃菠蘿醬即時令甜品昇華,味道有點似鳳梨酥,但又唔會太甜。 餐廳環境舒適,食物質素亦相當唔錯,如果想同朋友靜靜地食飯chill下可以考慮下呢度:) 一起果醬 Let's Jam! 地址: 尖沙咀松山道15-17號地下D舖