呢間Café一早已經被Nuts列入要「到此一遊」嘅清單!雖知呢啲童話主題Café大多都係gimmick嘢,通常都係中伏居多,但作為《Alice in wonderland》Fans嘅Nuts今次真係忍唔住要試試! 去之前記得要book定枱,星期六日都幾full! Café位於高氏大廈6樓,未入Café前見到門外有Alice in wonderland poster已經好興奮(笑)。 打開Café大門,即刻好似走入左愛麗絲童話世界咁,短短嘅走廊已睇得出佈置得好有心思。 點擊圖片放大 估唔到星期二晚8:00pm Café竟然都全場爆滿。雖然店內只得6-7張枱,但環境佈置得好好,感覺都幾舒服唔會太迫。 成間café嘅裝修佈局都好有心思,不論裝飾品、MENU、餐具、飲品食品,一切一切都會令愛麗絲FANS有共鳴! 點擊圖片放大 食物款式唔算多,同同行友人最後選擇叫咗2人SET($428)。嘢食一上枱大家都已經急不及待相機食先~ 連隻碟都咁特別! 頭盤 – The Garden of Live Flowers (煙三文魚沙津) 冇咩特別,略嫌黃芥醬唔夠多XD 小食(頭盤+$6轉) – Alice’s Pink Tea Pot (黑松露芝士忌廉烤多士) 多士唔夠脆身,整體配搭都算幾好味,但如果以原價$58食依塊多士就唔係幾抵… 飲品 – White Queen (水蜜桃乳酸梳打) 顏色好靚好夢幻,加埋drink me牌仔直頭好似Alice in wonderland入面Alice飲嘅魔法藥水咁(放心飲完唔會縮小/變大XD)。影完相,飲前記得攪勻先! 飲品唔會太甜,味道都唔錯! 主菜1 – Living Under the Mushroom (黑松露田園野菌意大利粉) 黑松露味濃,用嘅扁身意大利粉都唔錯,不過略嫌有小小乾。同埋佢嘅野菌用咗草菇、花菇有少少怪…我比較expect佢用蘑菇。 主菜2 – Fish~Footman Flower(飛魚籽煙三文魚燴意大利飯) 飛魚籽都唔少,但煙三文魚就得兩片有啲少。意大利飯嚟講佢太笠,冇咬口。個汁算唔錯,不過食落有啲膩,兩個女仔仲食剩咗唔少。 甜品 – 愛麗絲杯子蛋糕 (好似係冇得單叫嘅…) 造型好特別,不過只限用嚟影相呃LIKE。條裙應該係由糖霜做(?)我地就唔係幾敢食。個底係普通海綿蛋糕,實實地唔太好食… 而另一個是日甜品就只係綠茶味海綿蛋糕,同樣好實。對於甜品真係好失望! 臨走前緊係要喺佈景牆前影返張相留念,佢仲提供咗唔少拍攝道具俾大家selfie! Wonder Garden Café 地址: 油麻地彌敦道577號高氏大樓6樓B號舖