照結構其實係結構超聲波掃瞄...成個懷孕期最重要既一個產檢... 通常在18週至22週進行... 主要係用來檢查胎兒的結構...一般可以診斷出百分之五十玉六十的嚴重先天性結構上的缺憾... 不過...掃瞄是不能百分百保證胎兒絶對沒有先天性缺憾... 非結構上的缺憾如視力或聽覺問題... 細微結構上的缺憾如心漏...以及 沒有超聲波特徴的缺憾如肛門閉塞...等等... 超聲波掃瞄是無法診斷... 另外...一些結構上的缺憾...要在懷孕後期先會明顯如某類先天性侏儒症... 所以...在二十週用超聲波同樣是無法診斷... 孕婦過份肥胖...胎水過水和檢查時胎兒位置不理想等等...亦會嚴重影響診斷的準確程度... 超聲波掃瞄係相當安全既產檢...唔會對準媽媽同胎兒構成任何不良影響... 初初唔係太識...以為要影3D或者4D先得... 不過私家醫生既姑娘解釋...原來...醫生照結構係睇2D作準... 3D同4D只係俾爸爸媽媽過下癮...冇任何作用... 老公話一定要為二小姐留一張4D相...咁就影埋啦... 政府醫院唔會安排所有準媽媽照結構... 好多媽媽為左安心會自行約私家醫生做... 我算幸運可以喺政府醫院照一次... 過程大約十五至二十分鐘左右... 報告會即時以口頭形式通知孕婦... 照既過程中...政府醫生會大約講一下睇緊咩位置... 然後冇咩特別就會講見到既屬於正常... 到你問就會講多少少話你知點係正常... 咁睇手掌同腳掌就會講個型正常... 不過買個安心...自己出私家再照一次... 私家就照得仔細好多...相對時間就耐少少... 過程大約需時一個小時...如果BB合作的話... 照結構之前...私家醫生會解釋照結構既需要睇既地方同埋再重申照結構既局限... 特別詳細咁介紹照BB心臟要點點點...雖然我同老公聽完一樣唔明白... 醫生照既時候會仔細咁檢查... 頭啦...腦啦...心臟啦...胃啦...腎啦...臍帶啦...四肢啦...等等... 心臟仲會睇埋血管...血既流向... 醫生邊睇邊講解...雖然我同老公聽唔明...不過一樣好留心醫生點講... 唯一聽得明白睇得明就係睇四肢個陣...數骨...數手指同數腳指... 睇眼耳口鼻個陣...睇得好清楚... 二小姐好似比較懶咁...我同老公又見佢張開咀好似打呵欠... 喺政府照結構...又見佢張開咀... 睇心仔個陣...醫生會聽下BB心跳...睇下心跳規唔規律... 有時BB位置唔岩...遮住左睇唔到... 醫生會拍下個肚...等個BB轉下位置...睇到為止... 好彩BB尚算合作...一個鐘攪得掂... 睇咁耐照咁耐...到最後聽到醫生講一句...暫時睇一切正常... 我同老公安心左唔少... 餘下既孕期...希望BB可以繼續健健康康咁成長... 我選擇照既醫生係旺角中心覃伯英醫生...咁係大小姐個陣睇開既產檢醫生... 照結構就$2000包一隻DVD同報告...另外一張4D相就$500... 埋單就$2500... FACEBOOK 專頁 : https://www.facebook.com/mrmoon.renelee 聯絡我 ~ bbg1668@yahoo.com.hk 月兒部落分社 : BEAUTY LIFE BECB THEXXXXX BLOGSPOT SHE UBEAUTY QOOZA QOOZA BEAUTY SINA ELLE COSMO MYAGE WESHARE FANPIECE SEEWIDE MYBB PIXNET STYLE INSTAGRAM ~ MRMOONMOON 純粹個人意見...請大家多多指教呢... 免責聲明 ~ 本文發表的每一字一語內容全屬個人意見同感受... 不代表品牌的言論同立場... 如需獲得更多資訊同協助...煩請直接聯絡品牌查詢或尋求相關專業意見... 如從而引起的任何損失或法律糾紛...本人概不負責...