小妹早排同好姊妹係尖沙咀行街竟然發現一個新蒲點,依個蒲點仲有小妹其中一樣最愛添! 講緊嘅最愛就係芒果...小妹徹頭徹尾係一名「芒果痴」,不論邊個地方嘅芒果,甚麼種類嘅芒果,以至大大小小不同芒果產品,小妹都好喜歡,但最情有獨鍾都係台灣愛文芒。 而小妹竟然係尖沙咀發現到有一間以台灣愛文芒為主材料嘅Mango XʻPress,當然就要試一試啦! 一蒲入店內就見到大大個雪櫃,入面放滿各式各樣嘅芒果製甜品... 包括有芒果布甸、馬卡龍、蛋糕等... 除此之外,仲有另外2款芒果產品係產品櫃上,就係蛋白餅(6個不同口味)及芒果醋! 食物當然唔只咁少,餐牌上仲有好多不同款式嘅甜品添! 3頁餐牌,分別有飲品類、小食類同甜品類,喜歡食咩就食咩...而小妹就同朋友分別點咗兩款甜品食! 第一款就係愛文甘露 (Irwin Sago Sweet Soup) $28~~ 入面有好多愛文芒果果肉,而且仲有柚子肉同西米添! 一入口感覺好滑,芒果汁有濃濃芒果味,一種愛文芒獨有的芒果味,不會過甜,剛剛好。 而芒果果肉又不太熟沒有熟到爛的感覺,當然因為愛文芒都是比較爽口的感覺~ 而柚子又沒有苦澀味,微微帶好酸酸甜甜感覺,非常清新。而西米完全熟透沒有粉味! 小妹對這愛文甘露評價相當不錯~ 另一產品就係可以邊行邊食嘅Mango XʻPresso配窩夫 (Mango XʻPress with Waffle) $68 Mango XʻPresso配窩夫分為兩層,上面一層就係有窩夫、雪糕、忌廉、愛文芒果果肉、芒果汁! 窩夫新鮮熱辣製成,軟硬口感得宜,蛋味亦濃~ 雪糕就非常驚喜,雪糕微微有少少飲波子汽水感覺,最後有芒果味留在口內! 而下層就係果汁梳打 (藍莓味梳打、柑桔味梳打),最底仲有芒果肉又有星星型果凍添! 星星型果凍有咬口,好好食呀!但只係大粒咗小小,如果切細多一點就可以更輕易吸食到! 梳打可以一層一層飲/Mix一起飲,小妹就感覺Mix埋感覺好D,因為好似雜果賓治~ So Colourful Drink為冬天添上一份樂趣! Mango X’press 地址 : 尖沙咀加拿芬道45-47號地下D1號鋪 電話 : 27941928 營業時間 : 12nn- 12mn 想了解更多Mango XʻPress可以Click入 Mango X'press Facebook 文章介紹為個人喜好及用後心得,不同人士各有喜好,體質亦各有不同~ 是次試食由Mango XʻPress提供,希望大家會鍾意小妹分享。 小妹仲有其他Blog,FB Page及IG,歡迎大家去睇~ Blogspot|TheZtyle|Glamablog|Elle|She|Ulifestyle|BL|BE| Weshare |iTrial |Pixnet |Openrice|Youtube