我家大少好苦惱咁睇緊乜?睇緊餐牌食乜好!! 近來Gogo 開始已經跟我地大人食野 所以亦多左機會可以去遠d 食野 起碼唔洗下下就住時間去搵地方食飯 不過搵野食之前,大前題我地要搵d有BB登既餐廳 唔係真係我地兩個都唔洗食都似 早前就去左青衣城影下相兼搵野食, 聽講最近開左間新鋪以海洋做主題, 完全配合左青衣城本身既主題既餐廳, 講緊邊一間?其實就係最近新開既The Story Cafe Cafe 採以開放式設計,同時店頂位置亦有如魚網的設計 加上有開放式水吧及甜品部 整個餐廳也帶點海洋氣色,最重要係它家有bb登供應 不過餐廳內既食品唔多岩好似Gogo 咁細既小朋友 如果推出埋有兒童餐就更好啦 今次我地就叫左兩款主食同兩款甜品 而它家既晚餐都有做Set 既,價錢就由$98-148/左右 咁每份晚餐都會有餐湯/沙津選擇,仲有兩片既麵包提供 首先點左呢個主食- 車打芝士煙肉流心蛋牛肉漢堡配薯條 $118 一送黎既時候,就真係好有心心眼 海藍色既包包真係好特別第一次見 加上咁巨型既Buger 真係好心心眼 首先有好香好甜既紫洋蔥,煙肉仲有芝士流心蛋 重點真係要講佢塊漢堡,又厚又夠肉汁 超好食,連老公呢個百彈人仕都話正啵 真係分四份一人一小舊都好好味 當然我地就兩個分,包面就比阿仔食啦 正當我諗...唔個Buger 都吸引, 牛扒又係最貴應該唔會差得去邊 點知原來我咁諗係好錯... 呢塊係肉眼扒配香草牛油汁 $148 首先當初我地點既係叫左五成熟 老公有問佢係用咩上既,開頭佢都好似答唔出 我話唔緊要啦係唔係鐵板都五成啦, 最後店員突然話用木板上,我都覺得OK 呀 點知黎到,說好的...木板沒有了, 五成熟變了差不多Well Done 咁濟 而我期待的肉眼扒比起我薄了很多.... 正所謂可能其他野會比主食好,就係因為唔太飽既關係 所以我地另外點了兩款甜品 而餐飲方面,一場黎到冇理由唔點下d 特別野 本身係想點上一杯玫瑰鮮奶既....但冇玫瑰=口= 最後我就點上一杯青丘 及海之星窩夫 $48 青丘其實就係抹茶鮮奶加上些少紅豆 其實我真係飲唔到有D 咩紅豆係底 但係都不錯的,好香既抹茶加上鮮奶飲完好好訓 另外海之星窩夫係本身想比小朋友食個窩夫既 但係當送到黎既時候就話因為佢地冇雪糕轉左係吉士 咁唔緊要啦,主要係想食窩夫者 咁窩夫就以蟹形設計,內有以海鮮色既Cream 由於有Open Kitchen既關係,真係睇住佢地新鮮整出黎 所以影完相仲係暖暖的,加上有色彩繽紛既貝穀Jelly 味道亦不錯的,不過沒有什麼太特別的 (特飲跟餐另加$20/杯) 另外就是先生點既藍天, 其實之前就見到隔離枱點左已經覺得係靚既好呃Like 呢杯藍天係有分熱凍飲的,而先生的是凍飲 這杯的藍色部份係以蝶豆花配以紅豆加上鮮奶 認真的,佢呢杯呃Like 既點擊真係好高 但係正當我想試下之際,我男人已把它飲乾了.... 本身我地係點左一杯"黑粉紅芭菲" 但係佢亦因為冇左雪糕既關係所以改左呢一款 雖然"黑粉紅芭菲"都可以點既,因為佢係雪糕改到吉士 所以我地改左點左"藍芭菲" 正價$58 (跟餐係可以有半價優惠) 一上枱真係好嘩聲四起, 連隔離枱既人仕都有興趣一齊點呀 的確佢好有睇頭,亦係好呃Like 既甜品之一 但係對於唔太好Cream 既朋友即係我呢d人仕 就真係有d麻麻,但係認真佢地既顏色係好靚 內含有藍色既Jelly 啦,當然仲有香蕉同埋曲奇啦 底底的是有點酸既沙冰?但係可能Gogo 已經有點眼訓 要趕住離開所以我地都飲唔曬杯野飲 說真的,係The Story 真係一個搵地方坐下 搵地方食下Tea 影下相呃下Like 既好地方 真心佢所有既佈置都好靚,食物設計好有心思 唯一係....晚上八點已經多樣食品沒有了 它家既食品不算貴的,但係仍有可以進步既空間 例如當中的肉眼扒....真的可以煮到客人要求既熟度 同埋我覺得預期你地會有雪糕既甜點 就希望盡量提供有雪糕啦,即使係樓下超市買都好呀 我諗客人會都開心好多,希望下次再食既時候 同埋唔知當天既Staff 係唔係準備收工呢 有d 好似叫極都聽唔到咁,定係真係太忙呢? 就這樣完結啦,下次再見!(拜~) ◕‿◕如有任何合作事宜. 歡迎以電郵或者到FB Page找我 ◕‿◕ 謝謝唷! Contact me:manman811@gmail.com IG: angelbaby811