繼續肚痛既我,繼續出發!但出發左就開始後悔了。 day17 八宿到然烏,92km,八個半鐘,爬升海拔1680米。 60km 既爬坡,唔係少野!我一知道個陣都覺得好難踩,仲要肚痾又嘔。60km 上坡,大佬,平均10km/hr 都要堅持10 個鐘,痴線。 香港有我red bull,大陸有happy tiger!飲左包你happy 過tiger。 頭30km 都係咁衝,之後個肚開始唔聽話,係野草邊放低左三兩,繼續行。 踩左單車咁多日,發現好多城鎮既屋都起係山崖邊。你真係俾我都唔會住。隨時訓訓下跌左落山。 每次見到呢個logo,就會鬆一口氣。但好唔現實,因為一切都係假象⋯ 呢到就係其中一個城鎮,叫吉達鄉。十室十一空!傻迫嗎? 下午食左飯,再食兩樽保濟丸。題外話,大陸既蛋炒飯其實好好味,夠簡單。 下午太陽猛烈!肚又不停咁搞⋯ 急需支援,體力透支了。 其實烈日當空下訓覺幾舒服架,我訓左十五分鐘就起身,驚係高原一睡不起。 雖然係幾激勵,但老套左啲~~ 斜陽裏氣魄更壯! 又係埋頭苦幹下到達山頂啦!!唔知第幾座山啦,是但啦!!反正到拉薩既日子就快到! 落山時已經六點幾,對住呢啲雪山,點影都咁靚。 今晚我地住然烏湖隔離既旅館,環境好靚好靚,但好凍。