係又痾又嘔既情況下,無野阻到我,我當然會繼續出發! day16 邦達到八宿,83km,六個鐘多少少,爬升海拔唔多,但落左好多!因為今日有最出名既「天路七十二拐」! 急插個條線就係「天路七十二拐」啦!!!超爽!! 全程都係呢個病樣⋯ 肚唔舒服真係好辛苦。成日想痾想痾咁 介紹返,我琴晚訓既床,其實好污穢,環境亦十分惡劣。但十幾日都已成習慣~當然有啲旅館係靚啲架蹬!但唔多! 今日頭15km 上山無咩特別,只係不停咁踩踩踩!上到山頂落大雨,又濕又凍。落雨真的很麻煩!! 又搞店一座山,個時應該得10 度左右,休息左一陣啦啦林換哂雪山手套衝落山啦! 見到七十二拐,口水都流埋!最衰落雨,衝落山個下會跌落4-5 度,手指亦會麻痺哂。但都無阻我衝落山既決心!40-45km/hr 咁片彎你都咪話唔爽。 落山大約落左2-3 個鐘。 相影唔到出黎,其實現場睇好多境都好震撼。 好靚既梯田! 終於到八宿縣,好殘舊⋯ 又過一關啦!!!老闆娘好好人,見我香港人就唔登記。因為佢地登記完每個住客既資料就會交俾公安。如果知有香港人係到住就會好麻煩,可能會拉我走⋯ 呢餐好豐富,但亦因爲呢餐⋯ 我今晚又同個肚大作戰了。其實唔應該食咁多。 食完飯,出左去行下,見到有間叫八宿縣中學幾靚,入去兜左個圈。 淑女苑,紳士閣,笑死人咩~~~~ 夜晚食左保濟丸都無用!同琴晚一樣,半夜起身四次肚痾,但就無嘔。 好辛苦啊!!!!幾時先好返啊!!!