其實一路以黎,十間旅館有八間都唔夠水壓沖廁,如美鎮一樣。所以我好多時痾完屎都沖唔走,就咁由佢遺臭萬年(喊笑)。 day13 如美鎮到容許兵站,50km,六個半鐘,爬升海拔1980 米。 今日夠哂癲,2800 直屌上去3900,落一落坡再屌上4100。坡海無涯⋯ 一起身,食個靚早餐就出發上坡啦! 研究左五秒,呢兩隻係驢仔定馬~? 上坡途中無咩特別,只要埋頭苦幹,就會變成pass tense!@瀾昌江 真警車!仲識著燈架!bi bu bi bu⋯ 呢到既滷蛋都好平,又好味!$1 一隻⋯ 買左十隻八隻帶上路食! 師兄,一路走來唔容易啊!今日踩呢座山叫覺巴山,比較特別。佢不停圍繞住自己轉黎轉去。所以我係呢座山踩左3-4 個鐘都係差唔多風景,個人比較沮喪!成日問點解踩極都仲係到架屌! 我係下面條路踩上黎架~勁呢~~~ 左邊係覺巴村 其實大陸最多係大貨車,真係好恐怖!第一佢地明明已經好大聲,都要不停響安黎嚇鳩你!響安唔緊要,佢仲要連續不停響!嚇你唔到唔收手!第二,佢地佢迫到佢勁貼,真係得返一個單車位俾你行。又嘈又大塵,一日起碼有過千部經過你身邊。 見唔見到,其實我係行佢右手邊個條窄路⋯ 唔過四千既山,但已經收左我皮。 琴日衝落山,落到中間最低個個鎮,之後今日又爬返上黎同一高度⋯⋯ 有啲白痴。 呢個係徒步者,由北京出發行到黎呢到,用左差唔多三個月。終點都係拉薩。 到站啦!!!榮許兵站!!! 呢兩日無wifi,所以有時blog 兩日先update 一次!見諒⋯ 呢張係我訓既床。我已經兩日無沖涼,亦都要開始慢慢習慣。因為高原地方好易感冒⋯ 一感冒就恭喜你啦!唔使出發啦!係高原地方感冒係好難好難醫好⋯ 好似之前講過~ 感覺係好污穢,但無計,照訓!