其實由day1 完結開始,我右手無名指同尾指都開始麻痺,一直到今日day7 都仲係無知覺。但係郁到既,唔知會唔會壞左呢。希望快啲有返知覺⋯ 今日day7 新都橋休息一日後到相克宗,85km,7 小時,總爬升海拔約1600 米。 其實今日係真正既先苦後甜。朝早先用20km 上500 米既坡,之後大約40km 既落坡,爽到弓震!到左雅江後,就要用19km 爬1200 米既山。我都唔識形容了⋯ 總之就踩到兩隻手麻 到今日為止,我仲係堅持住自己帶駝包、唔推車!唔係懶型,係原則。我帶住熱血黎踩入西藏,你叫我寄行李? 早餐食左油條同抄手,食飽就出發啦!! 我一見到呢個牌,即刻踩快左10km/hr,但只維持左十秒就收皮。1670km 係一個咩概念? 大家見唔見到前面個斜坡⋯ 幻想下你要抬包米上去⋯ 我諗都無諗一野踩左上去,結果係喘氣喘左十分鐘。 Easy Job 到左高尔寺隧道,全長8km,路窄多貨車,幾個人出發比較安全。過左對面,就40km 落坡,落左成個幾鐘。落得爽係要還既⋯ 牛牛,你係咪有心事?想同人傾計? @雅江,啲屋幾震撼! 我已經帶左面罩,估唔到擦兩擦張紙變哂黑色。 又見到呢個牌啦!1608km (心心眼) 感黨恩、聽黨話、跟黨走⋯ 這是必須的! 轉眼跳到2999!!!再跳到3000!!! 今日又過左一日!又變成past tense yeahh! 聽日會踩過百,有咩聽晚再講~早抖!