關於粉紅清真寺其實都無咩好講啦~ 這個同伊斯法罕伊瑪目廣場一樣無去過的話同無嚟過伊朗的超著名景點,只要睇過相,夢幻、仙境呢d形容詞多多都有 而的確,莊重嚴肅的禱告室內,晨光穿透五彩琉璃窗戶,染成斑駁絢爛的粉色世界,以傳統高雅穹頂及暗紅波斯地氈相襯,華麗得令人彷如置身幻境,如一清純少女穿起血紅性感晚裝,那帶點破戒味道的不相襯,更為誘人…………. 特別朋友係我到達設拉子前幾日send左呢張相比我既時候,我真係口水都流埋…….. (Thanks your photo Fion my friend~) 係咪好正呢~~~~~~~~~~~~ 我都好想影到咁ar~~~~~~~~~~~~~~~ 但現實就係,點解會有咁多人ga????????? 點擊圖片放大 +3 江湖傳聞,呢間本身不起眼的小清真寺係一個外國攝影師晨運時身痕撞入,無意中發現偏廳的彩窗透光極度夢幻,之後好似比Lonely Planet爆左出嚟,大家就驚為天人竟然有個咁既秘密景點! 你知ga啦,粉紅色既野總係可遇不可求特別得人喜愛,所以呢個係舊版LP話無乜人會識嚟既地方,突然呯一聲成為左設拉子、甚至全伊朗最有名的景點之一, 全世界都爭住嚟大影特影! 於是乎所有空間感呀靚燈光呀全部被人潮淹沒! 粗略估計我朝早9點入到去時,起碼有100人係度! 後面仲不停魚貫而入! 前後左右中都係人,所有彩色透光位都係model,360度全方位都有閒人入鏡,點影呀大佬????? 點擊圖片放大 +2 點影? 咪唯有車輪戰law! 大家係窗邊騰個空位出嚟,你影幾張----閃! 下個! 好彩大部份人都非常守秩序,甚至會主動排隊一個跟一個出去,只有極少數會厚面皮成套港女十式影哂都磨爛蓆唔肯走ge je (以我所見某d國籍既人會特別多) 如果好似我咁係solo traveler,想set腳架慢慢倒數自拍我諗都好難了,唯有拜託圍觀者幫手啦 點擊圖片放大 +4 另一個理想與現實就係攝影技術啦 老實講呀呢度真係正到盲既都影得靚,但現實就係無技術既我影完出嚟成pat x 咁,一d意境氣氛都無 難為有位西伯利亞少女仲搵我幫佢影相tim……..而家睇返都覺得好唔掂……..再望下其他網友d相……….. 所以要嚟呢度打卡影profile pic,記得要搵個識影相既人,真係有好大分別ga!!!! 至於呢間清真寺其他地方其實都靚的,亦係用少見的粉紅色作主色 不過就等於妳食完東星班,即時再食粟米班塊就乜味都無了 點擊圖片放大 +5 事後有朋友同我講應該係我入場既時間太遲,早上8點開門應該8點前就係門口等,甚至有人話只要管理員返左工,7點幾就可以入到去 不過之後有網友話佢10點幾去到都係空無一人…………………. 唉只可以話撞手神啦,祝大家好運了! 記得11點後色彩就會因照射角度問題轉弱,一定要早d到呀!!! 離開清真寺,見有時間再去一去鏡宮聖陵(伊朗獨行13th)再行下老巴剎,中午12點左右就要離開Shiraz了 等等? 好出名既粉紅湖同地標波斯波利斯Persepolis呢????? 無去wor~~時間唔夠,下次先啦~ 要返德克蘭了!!!!!!! ==================== Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany 另外文章同時刊於UBlog、 DC Fever Travel、 Blogspot 及遊牧爆谷 請各位繼續多多支持呀!!!!!!!!!!!!!!