接上回係機場的鐵長凳一覺醒來-------冷氣好凍ar!!!!! 睇睇錶，06:30，原來只係訓左兩個鐘 坐係度發呆時突然諗起，原定今日stay係德黑蘭只係for買sim卡同last day既內陸機票，而家sim卡已到手，機票又唔使急，why not去第二個地方而跳過出名無野玩既德黑蘭? 個腦即時諗起一個很早前就比我因時間關係skip左既小城 ------ 卡尚Kashan 見你咁靚仔，就你啦! 位置上機場位於德黑蘭和卡尚中間，可惜既係無直接車落去，所以都係上的士要前往德黑蘭汽車南站再坐大巴去 不過伊朗既的士佬好鬼醒，車我去架巴士既中途站上車，我慳時間佢又慳時間，真係你精我都精!但落車時又收足我去南站既車費wor! 唉，睇在佢幫我截車兼攪掂所有買飛+溝通事項，由佢啦! (就係上回交通果段講果個) 兩個鐘後lai到卡尚~ 係hostel放低野時開始有d頂唔順……..始終唔係18廿二，坐一日飛機後再訓得兩粒鐘有d體力不足，真係要係個花園度hea陣休息下 ee………….點解我臨時lai都會有hostel咁勁? 岩岩坐巴士打電話搵ga ja! 即book即住，超高效率! 不過，呢間Ehsan Historical hostel都未免太靚la掛………. 點擊圖片放大 +9 好啦講左咁多無謂野，正式講下卡尚啦~卡尚最有名既就係5間各有獨特風格既古老大宅! 講真我開頭就係因為呢個原因而cancel左卡尚既行程……. 屋ja ma，仲要大屋，肯定人地廁所都大過我屋企啦，我又買唔起wor….…….總之就觸景傷情之極la……. 但又估唔到，呢幾間屋真係有d料到! 甚至可以話非常精彩! 我直情驚訝點可能有網友叫人miss左呢處ga!? Anyway~ 簡單介紹下先~ 1. Abbasian Historical House 多數人都會揀Abbasian做1st one，因為佢最大特色就係佢係一間著名餐廳! 可以係古風裝潢的傳統波斯大宅內飲啖茶食個包wor，聽到都覺得正啦! 而且食物質素頗為不俗，絕對值得一試~ 不過大廳異常爆滿，無預約幾乎無可能有位，我就係比waiter扔左去偏廳，吸引力即刻大減70%......... 點擊圖片放大 +6 (獵奇type既茄子燉駱駝肉，好似食緊牛筋腩，不過得兩舊仔only) 食完飯可以睇下大宅其他部份，入場費150,000 rial，但建議買combine ticket 350,000 rial，包另外兩間大宅的~ 而Abbasian既特點就係一個字 ----- 大!!!! 好鬼大!!!!!! 除左呢樣野我搵唔到其他形容，睇相啦~ 點擊圖片放大 +4 2. Tabatabei Historical House 呢間中文譯名「塔巴塔巴依宅邸」的古老大屋為百幾年前富商Tabatabei屋企，設計主色調同Abbasian Historical House一樣係地道既泥啡色，但感覺卻差天共地! 每一磚一瓦都異常精緻細膩，盛放的鮮花，青藍色的噴水池，完全既渡假別墅感覺~ 不難想像古時d有錢佬點樣係度日日狂歡開party! 哼我最鄙視呢d 無我份既 酒池肉林生活ga la! 作為正義既朋友，假如我真係有呢間屋，我一定將呢個惡魔既溫床賣出去，唔會比佢影響我呢d純真小白羊ga! 點擊圖片放大 +12 (呢個小妹妹主動話想同我影相，好可愛呀~) 3. Sultan Amir Ahmad Bathhouse 堪稱最有特色最受歡迎既大宅，因為呢度其實係一個古代浴場! 類似土耳其浴風格，以藍白綠3色花紋瓷磚拼成亮麗圖案，每一個圖案都代表住我完全唔知係乜的意思~ 陽光從星狀穹頂透下，照亮八角型房間的每一角，你會不自覺咁站在小水池中央，樓盤廣告式自轉咁邊環視四周，邊讚嘆其藝術之美! 只是房屋又高又狹，用傻瓜機真係唔係咁易影到佢有幾靚，下面d相我盡左人事ga la! 我知，你一定會問可唔可以係度沖返個土耳其浴ar嗎?~ 無話唔得ge~ 只要自備毛巾番梘熱水，再加上有係眾多遊客面前除衫沖涼既勇氣，你就可以係呢個荒廢左既浴場內盡情”sor fu” ga啦~~ 點擊圖片放大 +8 唔好走住! Sultan Amir Ahmad最有名的唔止係浴室內部，入口左邊上樓梯，就會見到一個個星球大戰屋企咁既圓拱型天台! 呢個就真係伊朗特產啦! 一個個波波球其實就係樓下浴室的穹頂，果d咩採光透風既實際功用大家都無乜興趣知左就算ga la，重點都係呢處夠地勢特別可以瘋狂影相!~ 此處更加望到卡尚的天際線，係睇日落一流既地點! 當然啦~我邊有咁好彩呢~曬到變炭就有我份! 點擊圖片放大 +5 4. Ameriha Historical House 無去~ 5. Borujerdi House 都無去~ …………………………………………………………………………… 其實阿鋒你可唔可以負返少少負任呢………..明明介紹卡尚既古老大宅點知講得3/5! 想點先!!!!!!!!! Wei但係我真係只去左呢3間嗎!!!!!行到攰唔比咩~~~~~~~~而且呢兩間要另外再比錢入去ga! 我又唔係收錢寫稿，係既我上網睇完資料看圖作文就得啦~ 見過乜寫d乜係我寫blog既宗旨~~~~~ 好啦果幾間屋就講到，呢度，下回講卡尚其他景點~ 好啦，仲唔夠喉既話送首古老的大鐘比大家聽~ 唔好問我有咩關係，我都唔知~~~ 平井堅 - 古老的大鐘 https://www.youtube.com/watch?v=IhUIxytIMgk ================================== Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany 始終都係整唔到Facebook Plugin Page，唯有用photolink頂任先! 另外文章同時刊於UBlog, DC Fever Travel, Blogspot 及遊牧爆谷 請各位繼續多多支持呀!!!!!!!!!!!!!!!
