話說係大阪呢幾日適逢立春兼星期五六日，好開心地大阪有質素既住宿全部都full哂~~~~yeah~~~~ 基本上Booking.com, Agoda, Expedia甚至hostelworld.com都搵唔到好既住宿-------係無好既而唔係無，山卡拉或者評語said唔乾淨又要5百幾蚊一晚果d law，連airbnb都不徨多樣 唉，終於都要踏入日本訂房網站既領域了 洗完樂天掃埋Jalan，終於比我搵到一間係所有香港常用訂房網站都搵唔到既膠囊旅館! 望望價錢，望望地點，真係嚇一跳! 難波千日前Big Camera對面唔使4000yen一晚?????我有無睇錯ar???? 隊比日本留學既阿哥睇，又係堅wor，而且有哂reviews唔似伏! 「有伏最多咪去café過夜~」brother said 又岩，試下妳啦，「サウナ＆カプセル アムザ」(Sauna & Capsule Amza) 如果各下對”Big Camera 對面好方便”呢個term無乜概念的話，可以想像為「住係Sogo對面」就得ga la，地下鐵難波站一出行5分鐘就到，係正大阪市最最中央 有人話既然咁方便點解會無人見過!? 無他，間野位於Big Camera對面Amza商場樓上唔記得7樓定9樓定12樓，總之樓下望上去只會見到一個片假名牌寫住サウナ＆カプセル，呢種招牌係難波真係一百幾廿萬個，唔係老馬都唔會留意到 點擊圖片放大 +3 入住既基本流程都係同一般膠囊旅館一樣，入門除鞋à靚女姐姐幫你check-inà到更衣區換浴衣à坐電梯到樓上樓下的溫泉區無限地浸or到自己個膠囊無限地訓 講左膠囊先啦~ 電視機headphone布簾燈光支裝水等等全部有齊，內部空間不是非常大，但不覺狹窄，一定舒服過港產劏房，逼逼地兩個人抱住訓都得………但溫馨提示你前後左右膠囊都係男人lai ga 床舖枕頭都軟硬適中，舒服過歐洲果d無腰骨床多多聲 一般膠囊最易有通風不良又焗又熱既問題，不過呢度個風口直情勁到吹頭都得，又可以調較強弱，非常不俗! 點擊圖片放大 +3 溫泉數目亦不少，室內5個3熱兩凍，仲有按摩池同乾濕桑拿比你慢慢sor fu~ 室外1個大露天池，可以有限度望到大阪市的燈火夜景，並且私隱度不錯，可以盡情享受於繁華鬧市中的一刻寧靜~我自己起碼浸左3-4次! 純以溫泉計，應該係小弟到訪過的市區浴場中最好的一間! 如果想massage，係有的，另外比銀兩後，就會係不透明玻璃房有年上之姨姨幫你搓圓撳扁，無試過，應該係正骨~ 點擊圖片放大 +3 (以上圖片來自網絡及官網，溫泉唔比影相ma.....) 至於其他住宿設施，我懶，都係睇相啦~ 點擊圖片放大 +3 (食肆區無去過，難波心齋橋周圍咁多野食! 但閣下絕對可以係度食埋野先走ga) 小弟呢期去日本都住過不少膠囊旅館，感覺上呢間Amza同其他有少少唔同: 1. 太大件既行李---例如我果個連屍體都裝得落既背囊，唔想囉入膠囊區的話可以問staff囉門口的大locker鎖匙，免費的 2. 如果連住幾日，係每一日都要check out再check-in的，但職員會安排你訓返同一個膠囊，即係每一朝都要11點前起身+執一輪野，都真係幾麻煩下 所以與其話呢間係住宿，我覺得比較似一間可以過夜既深圳按摩水療骨店多d 之不過以價錢、地點、質素lai計，Amza又的確係無得輸，大時大節港幣二百幾蚊就有間市中心既乾淨企理露天風呂住宿仲想點? 假如你係一個女仔旅行，想搵一間平得lai又乾淨又交通發達既地方訓一兩晚，Amza呢度，妳絕對可以轉身走人~~ Sorry ar~~~~~~~~~~呢間店係男性專用ga!!!!!!!!!!!!!!!!!!!! 而作為一個雄糾糾既男人，我係呢度亦都無受過任何騷擾，非常安落咁訓左Day7 Day8兩晚~ 過夜，呢度真係無得頂~ Day7寫到呢度，Day8會體驗下大阪人既生活~ ================ 「サウナ＆カプセル アムザ」 大阪府大阪市中央区千日前２－９－１７ http://www.jalan.net/yad359120/?contHideFlg=1&vos=fsjlnxsyjlnrsys015 http://www.daitoyo.co.jp/spa/amza/saunaspa/ ================ My Facebook Page : https://www.facebook.com/Garcia.in.Germany Utravel Blog : https://blog.ulifestyle.com.hk/blogger/aeolusgarcia DCFever - Fever Travel : http://www.dcfever.com/travel/utravelogue.php?id=799202 Email : funggarcia@gmail.com 請各位繼續多多支持呀!!!!!!!!!!!!!!!
