紀伊勝浦有兩座最有名的溫泉旅館 ------ 浦島同中之島，兩間野既特點都係座落於孤島之上，要在勝浦港坐廿分鐘一班的免費接駁船先可到達 不過其實名為孤島但都係肉眼就見得清清楚楚既距離，船程都係5分鐘內，唔係講笑真係游水都游到，所以交通亦非不便 而我今晚住既，係中之島 點擊圖片放大 +3 (呢個就浦島，就我所見，好多日本同大陸公公婆婆係度) check in果d無聊野我唔講啦，一開門，我呆左 喂，我一個人住je，使唔使整間向海望漁港日落既無敵靚view房比我呀？？ 攪到我一入房乜都唔做，就只係囉住部相機係咁影! 趕係最後的一絲餘輝前拍下最美既景觀! 當然，扮野自拍是少不免的～ 點擊圖片放大 +3 快手啦! 未入黑前衝去露天溫泉享受是常識吧! 我之所以揀中之島就係因為睇相個露天溫泉靚到pk! 而當我赤身露體走進去時，果然係令我大大講左一聲我身體某部份的名號! 再大叫“唔Q係咁過份呀!？傻ga!？” 網上張相根本就唔及唔上實景咁靚!!!!! 溫泉按溫度一層層而下，既有全開揚海景，亦有洞中泉的風味，配以輕輕的浪潮聲作和弦， 加上面向海邊私隱度高不怕被觀鳥，天氣好時更可在熱乎乎的水中看日落和觀星， 根本就係夢想中的完美露天溫泉! 在蒸氣中欣賞天色深藍的變幻，在泉水裡解放被雨淋了一整天的疲累，實在太爽了! 點擊圖片放大 +3 ee........點解.......阿鋒......你會有真相ge.......... 無～～～～我見個溫泉鬼影都無隻，即刻轉身射個三分波再囉返手機快閃左幾張g ma～ ar......但呢一種好似都當係溫泉偷拍ar ho.........比人捉到係唔係會比人拉再兩個鐘任做見血呢....... 唉當時太興奮無諗到嗎.......屋企既小朋友千其唔好學呀! 浸完溫泉就係旅館內打個白鴿轉啦～ 估唔到又幾多野玩ga wor，除左溫泉，餐廳、手信商店、K房、機鋪應有盡有，日頭仲可以行下山tim! 但我第二朝一早就走，想晨運都應該無緣啦 就算我第二朝唔係一早有行程，唔通我又會有閒情逸致舞雷公早起身行山咩～ 點擊圖片放大 +3 (中學時代既街機game，原本想一過童年回憶既癮，點知100yen即係$6.5一鋪咁貴，算吧啦) (中之島全貌) 島上餐廳早收，如果要宵夜都係要坐船出返勝浦漁港 10點左右的漁港可算頗為寧靜，但要搵食都係一d難度都無～ 想食著名JR站旁既吉列吞拿魚，但見到間鋪裝修太靚唔岩feel，都係走返去碼頭邊既拉麵大排檔～ 味道極一般+凍x到黐肺，不過風味搭夠，ok啦～ 點擊圖片放大 (就係呢間食吉列吞拿魚) 點擊圖片放大 +3 (呢個關東煮真係唔錯，串牛真係好正!) 尾班船返去後，忍唔住再浸多次個靚靚溫泉，自己一條童子軍邊跳彈床邊觀星都真係幾浪漫～唉旁邊有個愛人你話幾好呢....... 諗多無謂，浸完就返房訓啦渠頸 點擊圖片放大 +5 (一抽出嚟就計錢，我先無咁on居~) 第二朝起身，食完個靚早餐都係浸多次先走～ 一日一夜浸左3次，夠皮啦掛～ 好，開始Day5啦! 點擊圖片放大 +5 呢間中之島溫泉旅館你以為好貴？又唔算wor 係Booking.com佢既起價係$1200一晚，但我上Jalan又搵到1個人9000yen ja wor! 平左差不多成半!咁無理由唔買ar~ 儘管呢個係我旅行少見訓超過$500一晚既住宿，仍然覺得非常非常物超所值～ http://www.jalan.net/yad313265/?screenId=UWW3101&smlCd=301105&yadNo=313265&distCd=01&contHideFlg=1&rootCd=58&yadoDetailMode=1&stayYear=&stayMonth=&stayDay=&dateUndecided=1&roomCount=1&roomCrack=000000 (呢張就係網上Photo，就係比佢吸引左去中之島) ================= My Facebook Page : www.facebook.com/Garcia.in.Germany Utravel Blog : https://blog.ulifestyle.com.hk/blogger/aeolusgarcia/ Instagram : https://www.instagram.com/fung_garcia/ DCFever - Fever Travel : http://www.dcfever.com/travel/utravelogue.php?id=799202 Email : funggarcia@gmail.com 請各位繼續多多支持呀!!!!!!!!!!!!!!!
