如其他blogger所講，Hvar既藍洞Blue Cave絕對係克羅地亞之行既重點旅程! 傳聞世界上既Blue Cave並不多，一個係意大利，另一個就係Hvar附近的Vis小島離岸不遠的另一島嶼，Vis亦為當地人公認鄰近最靚既海島 聽聞話洞內一片幽靜藍光非常靚------>wa呢句真係寫完都唔覺吸引到人呀! 不過我一聽到就Blue Cave就覺一定要去!因為細個見過，印象深刻，仲玩得好開心tim! 乜香港都有咩!!!!!!!!!!？？？？？？ 買支藍色犀利光“捐”入被竇咪得................... 要去VIS有兩個方法 : 筋肉擂臺渡海泳or乘風破浪坐快艇 鼓勵大家用前者，因為不但超級慳錢，仲可以近距離和海洋全接觸，感覺被無邊無際浪濤擁抱既感覺～仲可以親吻鯊魚或與海蛇玩遊戲tim～ 後者就慘啦!要比港幣$400，坐既一係幾百人穩穩陣陣但氣氛欠奉既大船，再坎坷d既係要$6-700個大洋，坐超級高速拋到隔夜飯都嘔出嚟變早餐，氣氛熱鬧自由度大既人少少偷渡式大飛! 仲要有西班牙洋鬼妞models夾硬show比堅尼焗你睇!真係好過份!!!! 不過艱苦我奮進，人生一定要體驗下d慘事苦況先會成功的! 反正我朝早一向空肚都唔食早餐，一於坎坷過後有艇搭，用6舊水身先士卒!海風當白粥啦! 點擊圖片放大 +4 不過每個tour去既目的地都有少少唔同，而睇多幾間資料收集下再決定! 如果最後都睇唔岩，其實係可以學下路飛自己渣船出去征服大海的! 但我怕比個海征服多d.........餵魚都算啦，唔覺意搵到魯賓遜一齊孖住多十年既話........ 現實版海盜船拋左粒幾鐘後（係真係拋到會飛落海果隻無講笑!），終於到達第一站，Blue Cave前既熱身景點Green Cave! Green Cave最大賣點係可以跳落去游水! 暢游浮潛於純綠色的山洞內美景都咪話唔爽! 如果天氣好+時間準確，穴頂仲有一束光線傾瀉下來直達海底，潛落水睇直情Wing Gundam雙破壞來福槍一樣! 不過個位多數都比人霸住唔走，唯有影埋妳下身入鏡啦，攪到我成個咸濕佬咁! Anyway嚟克羅地亞咁多日原來到呢處先第一次真正游水! 太興奮下無熱身游左兩野即刻扯哮.......真係好虧........ 點擊圖片放大 +10 向行程重點Blue Cave進發啦!!!!! Blue Cave係國家重點保護的生態區，除左表示其珍貴及高度重視外，亦代表係要收錢同有人數限制的～ 去到附近海域時已有相關的執法部門進行檢查，到要比錢入場轉專用小艇先可以入去，洞內亦不能下水游泳 咁都好ge，起碼有個保育意識，唔會比d亂咁撞入去，又或攪到凡爾賽宮咁比人十八摸到溶溶爛爛 更重要既係呢個轉船處有洗手間可以釋放自己! 點擊圖片放大 +2 終於要進入Blue Cave了! 小艇轉個靚灣後，只見前方有一狹窄而神秘的山洞，內裡隱隱發出淙淙的流水聲，當時無落雨，所以唔使笠雨褸都可以進入，非常安全的! 入穴之後果然別有洞天! 隔絕了一切的嘈雜，密封的洞內寧靜得蟲鳴可聞，太陽光從水中穿透海洋，把整個洞染成藍色一片，顯得幽深而夢幻，直如闖進異世界 嚟之前好難想像呢度會靚成咁，被藍光包圍時，好有外星生物降臨及天煞地球反擊戰既感覺（呢個比喻好似............）， 果然同犀利光有d唔同呀!（呢個比較更加..........） 雖然只能逗留短短10分鐘，但此處的確是嚟克羅地亞必須一到的地方! 點擊圖片放大 +5 (伸部機入水中影) 重要項目完結，但個trip未完呢～ 下一站去到Katis好想去既Stiniva海灘 此處最大特點係被山峰環抱，只剩一小缺口以供出入，高空睇就好似一個隕石坑般的私人海灘～ 我地隻大飛都不能進入，只好停在遠處自己偷渡上岸! 有Green cave既經驗，當然熱哂身先出發啦～但估唔到最大既挑戰係上岸後!呢個都係鵝卵石灘好拮腳呀!!!!!!!! here其實無乜野做，其實去海灘不嬲都無乜野做ga啦，不外乎咪又係游水曬太陽gup女影相吹水gup女同埋浮潛gup女～ 喂咁呢個世界唔係男就女～係熱情既地中海比堅尼係基本功啦!仲唔會好似香港咁又想show又想遮，我選擇唔到有咩唔進入我眼簾ga~ 如果唔想stay係海灘玩石樁路有益身心，都係跳落清澈而冰冷既海水浮潛好d~ 呢度雖然無珊瑚礁，但色彩斑斕既魚類仍可滿足你既要求～ 點擊圖片放大 +2 (攝氏34度的陽光) 點擊圖片放大 (呢個靚妹個樣真係好串~) 點擊圖片放大 +6 https://www.youtube.com/watch?v=4PVL7fBgKxQ （痴線鬼仔要懸崖跳水!） 出海最後一站嚟到Palmizana Sandy Beach，然而呢度就真係無咩太特別啦，最特別既只係終於有有沙既沙灘啦!!! 突然覺得腳板從未如此舒適過～個人都覺得健康左～ 但其他既海邊餐廳都係磨刀霍霍向我地呢班豬羊，準備殺到我地個荷包一頸血，所以都係海邊行下hea下影幾張相算啦～ 到5點左右，就開始回程，完結左一日既乘風破浪出海之旅啦! 點擊圖片放大 +6 呢個trip抵唔抵玩就真係見人見智啦，不過今日見既景又靚，玩又玩得開心～有時d野好難用金錢衡量ge~ 只係提醒大家一點，真係個個出海tour既內容都唔同，最好詳細問多d 有d甚至會包埋午餐，好似我地無既就食物自備啦～ 反正係烈陽下既海中心食車厘子都係一件幾過癮寫意的事～ (一班痴線鬼仔飲醉酒，行船中話要跳落海中心.......) 正愁今晚食乜餸時，原來hostel主人係花園舉行燒烤派對! 望住日落美景，飲住杯自製Sangria，unun腳等食燒牛羊雞肶雞翼豬肋骨香腸粗薯條蒜蓉包等等等等，仲有3-4款自製沙律及pasta，除左無敵兩個字真係講唔到其他野! 呢間Earthers Hostel，我認住你!～ 點擊圖片放大 +5 係Hvar既第3日我一早行個圈，中午就坐船返Split lu，that's why我103章時話返多嚟Split一次就係咁解～ 而呢幾日好好傾既遊伴Katis亦係Hvar就分開啦，thanks for this few days，返嚟香港再見啦～（講開我到而家都未搵佢...........） 係Split果一晚，要記既特別事就係大失手煎左塊welldone既牛扒，仲有hostel個鬼婆醉到爆玻璃撻低流蚊飯........ 第二日一早就坐巴士離開Split啦～ 好，下回繼續! (臨走前望多兩眼影多兩張，呢度真係好熱又好靚呀!!!35度中!) ============================================ 第100章所講既「你想寄你相」活動，多謝各位網友既鼎力支持~ 第一批postcard將於呢幾日來寄出~(咁耐先寄!!!!??????呢排好忙ar…..比下面la…….) 如果1星期後仲未有既，快d炸爆我facebook同我講啦! 多謝大家~~ ==================== Email : funggarcia@gmail.com Instagram : https://www.instagram.com/fung_garcia/ My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!!!
