正式開始南歐巴爾幹半島之旅啦! 先由柏林落返慕尼黑，坐DB公司既長途巴士，19€加5個鐘即可到穿過奧地利，直達我第一站斯洛文尼亞Slovenia首都盧布爾雅那Ljubljana(或稱盧比安納) 一落車就見到太陽像個大南瓜 ------ 好熱呀喂!!!!!!! 頭先係奧地利停一停落車都仲要著外套，但而家我只想著國王的新衣! 另一個感覺就係，首都中央車站暨火車站雖然殘舊，但有冷氣呀!!!!起碼涼返陣先咩返個大背囊搵hostel la~ 點擊圖片放大 +2 (路過奧地利都仲有雪山，點會一去到斯洛文尼亞就咁熱ga?) Ljubljana係歐洲其中一個最細既國家首都，不過都大過整個列支敦士登，更加唔好話梵蒂岡啦，但市中心舊城區就真係好細好細，粗略估計只係同旺角+油麻地差不多! 細還細，咁多唔多野睇先?? 我既答案會係 --------- 真係無乜，高速既，3個鐘乜都掂! 舊城區市中心由數條名橋組成，每條各有特式，長度約寶鄉橋既一半，即係一眼睇哂~ 好野收工!!本篇寫到呢度算la~~~~~~ (城市地標的3重橋) 點擊圖片放大 +4 (著名既Dragon Bridge，哦) 我都想就咁收工~但咁hea真係自己都接受唔到! 再介紹多d啦~! Ok~除左舊城市中心果幾條橋，城內的山頂城堡都值得花幾歐坐纜車上去飽覽美景的~ 不過認真講句，係咪好perfect非去不可呢，我又有d保留，之不過係old town已經非常商業化既情況下，好過無啦 點擊圖片放大 +2 當係街上乾煎緊時見到有呢個”站立單杖划艇比賽”(正式名稱其實係乜?)，真係好想立刻跳落去! Weiwei諗真d!佢地唔係係水裡面ga!! 即係你肚餓時比你囉住個豬柳蛋漢堡但唔比你食!有鬼用! 要消暑，都係去超市買支凍野飲啦，我一日起碼3支……33度起跳ar…… 逢星期五近Dragon Bridge會有大型露天food market~攤位大多係由市內名餐廳名廚主理的~ 一直我都幾鐘意係呢類地方搵食，貪佢多選擇又夠地道，但可惜好多時都係希望越大失望越大，好似香港既wine and dine festival，又貴又唔好食 至於呢度呢………少少啦，要左個西班牙海鮮飯同意大利risotto都麻麻地 不過傳統既布萊德蛋榚Blejska kremna rezina(英文Bled Cream Cake)就真係好好味! 微甜的糖霜脆皮，下配清淡卻香濃既白黃兩色忌廉，咬下去，滿嘴蛋香卻不會太甜，口感輕柔滑溜，的確一絕! 較可惜既係我又係無做功課，唔知佢原產地係斯洛文尼亞東北邊既旅遊名鎮Bled….. 入寶山卻空手而回呀!!!!!! 點擊圖片放大 +5 係Slovenia呢3日仲有一樣同此地完全無關但必定要做既事-----就係咁岩世界杯開波啦!!!!! 原本諗住此地既係前足球強國南斯拉夫重地，仲要係揭幕戰國家克羅地亞旁邊，氣氛熱烈程度應該勁過打仗ga!! 點知條街水靜鵝飛……….唔係無，而係同睇一般英超無分別，亦唔係咁多人同酒吧有得睇 後來我睇返沈旭暉教授2010年既文章先知，原來因為政治因素Slovenia係足球冷感的(詳情可參考 http://hktext.blogspot.hk/2010/06/blog-post_5622.html ) Anyway，人少d je~仍然會有不相識的外國人們一齊叫囂一齊講粗口~反正大家都唔知對方講乜~ 一杯啤酒一場波，夠我度過整個晚上啦~ 點擊圖片放大 如何去到真係太多時間無野做，市內仲有一個Tivoli park可以一行的，可惜我lasl day時天有不測之風雲，行左廿分鐘就回頭返hostel la 咩事?個天咁樣唔係仲唔走掛!? 果然返到hostel 5分鐘後，感覺係有個瀑布係出面law 點擊圖片放大 (順便post下間hostel，叫Vila Veselova，距離車站同市中心約10分鐘步行，唔算非常近，但設備非常完善，冷氣、私人插座、床頭燈設計成夜晚開都唔會”殘”到人，WiFi夠快，大媽員工提供既遊玩資料都非常足夠，值得推薦~) Ljubljana，以至整個Slovenia都係出乎我意料咁少野睇ge! 不過都仲有d靚山靚水ge~ 下篇就講下嚟斯國必到既Bled and Bohinj~ ===================================== 因為平板壞左，大部份寫好既野付予一江春水向東流，出文速度比平時更慢….. 唉唔好意思呢各位! 另外又係呢句 : 補完此Blog上未成文的相片和無聊閒事: My Facebook Page : www.facebook.com/Garcia.in.Germany ，多多支持呀!~
