好想為我即將出發既呢個旅程留一點記錄 見咁多去working holiday既前輩寫得咁開心,又東施效顰學人寫下Blog先! 其實我都唔知自己想係呢度寫咩 遊記?生活?心情? 算吧啦~簡單d隨意d好! (可能只係會純粹自high!) 今日剛好是出發前7日,想以一星期前在facebook的一段說話為此Blog掀開序幕 第一篇,好像有點悶有點正經! 對唔住law~我盡量會將佢變得有趣d ga la! ================================================================= From 2013-08-27 Facebook 真係好難想像我兩個星期後既今日已經踏在異國的土地上 好多朋友知道我即將出發，都會講話「你就好啦!」「咁樣去玩一年正啦」「你唔識德文去?咁勇?」「好型呀!」「仆街啦你阿鋒!」 老實講，我其實驚到痴線! 去到一個完全陌生既國度，言語不通，文字不識，最近果個fd叫阿路係英國，搵工搵屋衣食住行完全要自己一個攪掂 我可能會訓街，可能會比人握哂d錢，會好寂寞，會homesick得好嚴重，會晚晚喊到痴線，會比一群美女騙色…….. 但係呢d不安之中，卻又有一絲絲既興奮 這一種矛盾，就正是我現在的心情 世界那麼大~不去看看，太可惜吧! 「無法戀愛的理由」主題曲有兩句感受很深 「誰よりもきっと 愛しているけど 雖然我比任何人都更愛你 選んだこの道を歩いてくから 但選擇了的這條路我依然會繼續走下去」 「愛」這一字，包含哂我所有的重視 為左呢個旅程，我究竟放棄左幾多重要既野? 呢兩個月既心情真係大起大落得好緊要 有時會諗，如果我唔係要走，事情係咪會變得完全不一樣? 不過我同自己講過，無野可以阻礙我今次既旅程 無論如何，呢一刻既我，對於呢個決定，一d都唔會後悔 記下這段說話，給一年後的自己 =================================================================== =================================== IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
